Welcome to Urdubiography
Home >> Showbiz >>Tom Cruise  

 

 

 

 

 

Tom Cruise

Tom Cruise Photo


Tom Cruise was born on 3rd July 1962 in New York. He is a film actor and producer of Hollywood film industry. Tom Cruise is an only brother of three sisters. His Mother was a teacher and Father was an electrical engineer. Tom Cruise is an American citizen but in his veins surviving the Irish, German and English blood. Tom’s family was catholic. First time he worked in the film endless love in 1981 and same year Tom Cruise played an important role in the film Tops. In 1983 he played a prominent role in three movies. Tom Cruise played a best role in Top Gun in 1986, Born on the Fourth of July in 1989 and won the golden globe award and nominated for the Bafta award and Academy award. In 1990 he worked in the movie Days of Thunder and Far and Away in 1992. He worked in the film Interview with the Vampire in 1994. Tom Cruise produced the film named Mission Impossible and made a sequel of Mission Impossible in 2000. Now he is preparing the fifth part of the series of Mission Impossible. Tom Cruise organized the production company with his talent agent in 1993. He married in three times and Tom’s have one daughter and adopted two children. His successful movies are All the right movies, The Firm, Jerry Maguire, Minority Report, Eyes Wide Shut, War of the Worlds and Edge of Tomorrow. In this topic you can get the information about Tom Cruise, Tom Cruise Biography In Urdu and Roman Hindi.

 

Tom Cruise Biography In Hindi

3 July 1962 ko New York mein paida hone wale actor aur film producer Tom Cruise ka pora naam Tomas Cruise 4 hai. Wo 3 behno ke iklote bhai hain. In ki waldah teacher aur walid electric engineer the. Tom Cruise American citizen hain. Lekin in ki ragoan mein Irish, German aur Angrezi khoon daur raha hai. Inho ne khase gharibana halaat mein parwarish paai. In ka gharana catholic tha. Jis par in ke sakhtgeer walid ka hokum chalta tha. Jo nihayat badmizaaj bhi the aur gusse ki halat mein gaaliyan bhi dete the. In ke walid ki wajah se Tom ka khandan aksar pareshan rehta tha. Tom aaj bhi apne walid ka zikar karte waqt unhe Bohrano ka biyopari kehte hain. Tom batate hain ke in ke walid zara zara si baton par in ke sath maar peet bhi kiya karte the.


Tom Cruise ke bachpan ka kuch hissa Canada mein bhi guzra aur dar haqiqat kam umri mein inhe Canada mein he dramas mein kaam karne ka ittefaq hua. In ki rehnumai karne aur salahiyaton ko ujagar karne ke liye inhe wahan drama director George Steinberg mil gae. Tom Cruise ko hockey se bhi dilchaspi thi. Lekin is khel mein maharat se ziada in ke jarihana andaaz ki wajah se inhe team mein shamil kiya jata tha. Canada ke school mein wo abhi 6 grade mein he the ke in ke waldain mein alehdgi ho gai aur tom ki mother inhe sath le kar America wapis chali gai. Kuch arsey bad tom ke walid ka cancer ke baiys inteqal ho gaya. Tom ke liye church ki taraf se milne wali scholarship ki badaulat taleem jaari rakhna mumkin hua. Us zamane mein Tom Cruise barhe ho kar paadri banne ka iradah rakhte the. 14 saal ke arsey mein Tom Cruise ne 15 school change kiye.


Acting mein dilchaspi aur kafi koshishon ke badaulat Tom Cruise ko 1981 mein pehli bar Endless Love mein aik mamooli sa kirdar mila, lekin usi saal inhe aik aur film Tops mein aik khas aeham kirdar mil gaya, jis se wo producers aur directors ki nazar mein aa gae. 1983 mein inhe yakke ke bad deegar 3 films mein numayan role mile, lekin dar haqiqat 1986 mein Top Gun mein markazi kirdar kar ke wo super star bane. Usi saal inhe Color of Money mein Paul Newman aur Rain Man mein Dustin Hoffman jaise actors ke sath kaam karne ka mauqa mila. 1986 mein Born on the Forth of the July mein Vietnam mein larhne aur mazoor ho jane wale aik purane fauji ka role kar ke Tom Cruise ne na sirf golden globe award jeeta, bal ke bafta award ke liye nominate bhi hue. Isi film par wo pehli bar academy award ke liye bhi nominate hue.


1990 mein Tom Cruise ne Days of Thunder aur 1992 mein Far and Away mein markazi kiradar ada kiye. In dono films mein Nichol in ki heroin thin. Jo us waqt in ki biwi thin. 1994 mein Tom Cruise ne Brad Pitt, Antonio aur Kristen ke sath Interview With The Vampire mein kaam kiya jo N Rise ke aik Best seller novel par banai gait hi. Writer is film mein Tom Cruise ko cast karne ke qatai haq mein nahi thin, lekin film dekhne ke bad writer ne taqriban 8 thousand dollars kharch kar ke aik risaley mein 2 pages ka advertise diya, jis mein aiteraf kiya ke Tom Cruise ke barey mein in ki raaey bilkul ghalat thi aur director ka intekhab bilkul durust tha. 1996 mein Tom Cruise ne aik TV series ko bunyad bana kar Mission Impossible khud produce ki, jo box office par aik nihayat kamiyab film sabit hui. 2000 mein Tom Cruise ne in ka sequel banaya. Is film ke sequel ne bhi zabardast business kiya. Us dauran Tom Cruise aik aur golden globe award hasil kar chuke the aur mazeed 2 martaba academy award ke liye namzad ho chuke the.


In ki kamiyabiyon ka safar isi tarah jaari raha. Inho ne Hollywood ki taqriban ahr barhi heroin aur har barhe director ke sath kaam kiya. Hatta ke 2005 mein hollywodd ke muaamlaat par gehri nazar rakhne wale aik sahafi ne tom ko filmy duniya ke chand taqatwar tareen aur daulatmand tareen afraad mein se aik qaraar diya. 2014 mein in ki films ne 7.9 arab dollar ka business kiya aura b wo Mission Impossible series ka 5th hissa banane ki tayyari kar rahe hain. 1993 mein inho ne apni talent agent ke sath mil kar production company qaiym kithi, jis ke tehat wo ab tak films bana rahe hain.


Tom Cruise ne 3 shadiyan ki aur in ki sirf aik bachi, in ki haqiai aulaad hai, jab ke 2 bache inho ne adopt kiye hue hain. 1983 se 1985 tak in ke talluqat Rebecca se rahe, jo film Risky Business mein in ki heroin thin. Actress aur Singher Cher ka kehna hai ke 1985 mein Tom Cruise se in ka kuch arsey mail milaap raha. 9 May 1987 ko Tom Cruise ne pehli shadi actress Mammy Rogers se ki. Yeh shadi sirf 2 saal qaiym rahi. Mammy Rogers ne he dar haqiqat Tom Cruise ko nae mazhabi aqeeday Scientology se mutarrif karwaya, jis par wo aaj tak kaarband hain aur is ke sargaram Perch ark hain. Yeh dar haqiqat purane Roman Catholic aqeeday he ki zara badly hui shakal hai, tahum ab scientology church ko company ke andaaz mein chalaya ja raha hai. Company ke aik auhdedaar Mark Ruth Bern ne haal he mein church se alehda hone ke bad is ke barey mein khase ghinaone ilzamaat aaiyd kiye, lekin is se Tom Cruise qatai mutassir nahi hue aur wo ab bhi scientology aqeeday par karband hain.


24 December 1990 ko Tom Cruise ne dosri shadi actress Nichole se ki, jis se in ki mulaqat 1989 mein film Days Of Thunder ke set par hui thi. February 2001 mein Tom Cruise ne Nichole se divorce ke liye court mein application de di. Divorce ke bad Nichole ka kehna tha ke inhe Tom Cruise se mohabbat hai aur wo hamesha in se mohabbat karti rahengi.


Is ke bad Tom Cruise ka talluq Penelope Cruz se istewar hua jo Vanilla Sky mein in ki heroin thin. Yeh muaashqa 20004 mein khatam ho gaya. Famous risala Vanity Fair ke aik subject mein bataya gaya hai ke is muaashqey ke ikhtetam ke bad church of scientology ne Tom Cruise ko new girlfriend dhoond kar dene ki zimmedari apne sir li. Church ne yeh kaam baqaida aik mohim ke andaaz mein sir anjaam diya aur kae aesi actresses ke audition liye, jo isi mazhabi halqey mein shamil thin.


Church ne Tom Cruise ke liye Naazneen Bunyadi kop muntakhib kiya jo bad mein scientology aur Tom Cruise, dono he ko chor gai. Tahum Tom Cruise ne is sare muaamle ki tardeed ki aur Vanity Fair ke khilaaf qanooni karwai ki dhamki bhi di lekin is par amal nahi kiya. April 2005 mein Tom Cruise ka actress Katy Homes se muaashqa shuru hua aur jald he in ki jorhi ko media mein tom cat ka naam de diya gaya. Opera show mein tom ne barhe josh o kharosh se is muaashqey ka aiteraaf bhi kiya. 2006 mein in ke haan beti paida ho gai, jis ka naam inho ne Soori rakha. Tahum in ki shadi beti ki paidaish ke bad hui. Yeh shadi scientology aqaiyd ke mutabiq hui. Sarhe paanch saal bad, July 2012 mein is shadi ka anjaam bhi divorce par hua. Bad mein Tom Cruise ne is divorce ki barhi wajah yeh batai ke Katy hamari beti ko scientology se bachana chahti thin. Duniya ke kae famous jaraiyd mein duniya ke sab se ziada khubro aur pur kashish mardon mein Tom Cruise ko kabhio top ten aur kabhi top five mein rakha gaya hai. Tom ki jin films ke naam oper aa chuke hain, un ke ilawa in ki chand qabil e zikar aur kamiyab films yeh hain.


All The Right Moves, The Firm, Jerry Maguire, Minority Report, Eyes Wide Shut, War Of The Worlds, and Edge Of Tomorrow, Top Gun.


Mathira Salman Khan Sonal Chauhan
Educated Bollywood Stars Shakira Emma Watson

 

 

 

 

@Copy right 2012-2014 www.urdubiography.com