Welcome to Urdubiography
Home > Social Workers >Anna Molka Ahmed
 

 

 

Anna Molka Ahmed

Anna Molka was born on 13th August 1917 in Landon. She was a painter. Anna Molka was married to Sheikh Ahmed in 1939. Sheikh Ahmed was also an artist. After marriage she came to Amritsar with her husband. After joining Punjab University as a teacher she permanently shifted to Lahore. Anna Molka has done lots of hard work for establishing many fine arts courses in the university. In 1977 Anna Molka has painted the portraits of Quaid e Azam Muhammad Ali Jinnah and Allama Iqbal, now the portraits are in Faisal Auditorium Punjab University. Pakistani Government has awarded her “Sitara e Imtiaz” in 1963 and “Pride of Performance” in 1969. Anna Molka Ahmed died on 21st April 1994.

Anna Molka Ahmed Biography

Anna Molka Ahmed Photo

Pakistan ki mashor mosawira Anna Molka Ahmed 13 August 1917 ko Landon mein paida hoein. Anna Molka ki waldah ka taluq Poland aur walid ka Russia se tha. Aap bachpan hi se semab sifat, takhliqi aur mutajasis zehan ki malik thein. Hosh sanbhalte hi apne ishteyaq ke sabab mukhtalif adyan ka mutala kiya aur Islam se behad mutasir hoein.

Anna Molka Ahmed ne ibtedai taleem Godlifin and Litemar girls high school Landon se hasil ki. Is ke baad Hammer Smith College mein county council of Landon ki taraf se munaqidah fine art ke imtehan mein scholarship hasil kiya. Art ki baqaidah taleem Sent Marten School of Art Chairing Cross Landon se hasil ki aur phir Landon council se senior scholarship of fine art lene ke bad Royal College of Art Landon mein dakhil hoein. Royal College se art ki taleem mukamal karne ke bad Royal College hi mein associate in design muqarar hoein. Royal College se unhon ne lithography, line anger young, dry point, etching and excavating aur wood anger young mein certificate hasil kiya.

3 December 1939 ko Anna Molka ki shadi Sheikh Ahmed se hoi jo khud bhi artist the. Shadi ke baad Anna Molka Ahmed Landon se Amritsar agaein. Punjab University Lahore ki taraf se art teacher ke tor par muntakhib keye jane ke baad Anna Molka Ahmed apne shohar ke hamrah Amritsar se Lahore chali geinaur apne career ka baqaidah aghaz kiya. Punjab University Lahore mein aap ne bartanwi tarz ke syllabus ke bajaye American syllabus raij karwaya kyun ke bartanwi syllabus mein un ke khayal ke mutabiq ye khami thi ke theory aur practical alag alag karwaye jate the lekin American tarz ke mutabiq theory aur practical aur art ki tarikh aik sath parhaye jate the jis se talba ziyadah mustafeed hote the aur un ki dilchaspi barqarar rehti thi. Aap ne art ki classes ki farogh mein aham kirdar ada kiya. Anna Molka Ahmed ki koshishon se Punjab University fine art department jald hi mustehkam ho gaya aur talba ko fine art se khusosi lagao paida ho gaya. Ye shuba ibteda mein sirf talbat ke leye makhsos tha lekin 1956 mein larko ko bhi dakhle ki ijazat de di gai.

Anna Molka Ahmed ki koshishon se 1958 mein M.A fine arts ki classes ka ijra howa aur 1960 mein B.A owners ka teen saala course bhi shuru howa. 1964 mein aap ne painters aur graphic designers ke leye peshawarana courses ka ijra kiya. Mosam e garma ki tatilat mein aap apne khawand ke sath shumali elaqajat ki seer ke leye jatein aur qurat ke hasein manazir ko apne brush ki girift mein la kar na sirf dekhne walon ki aankhon ki dawat ka saman latein bal ke sath sath fan ke giran kardar namone bhi jama kar jatein. Anna Molka Ahmed ke baad ane wale fankaron ne in shah paron se behad istefadah kiya aur art ki taraqi ka bais banne.

1965 ki jung ne aap ko intehai zehni sadme se do char kiya aur aap ne apne fan ke zarye jung aur us ke nuqsanat se logon ko agah kar ke ye dars deya ke jung sirf nuqsan hi nuqsan hai. Aap ne 1971 ki jung ke doran Pakistani fojion ki shujaat aur bhaduri ke waqeyat ko apne fanparon ke zarye numayan kiya. Aap ki ye tasawir war museum mein mujod hain. Pakistani afwaj ke leye banai gai aap ki tasweer “qeasar ul hind” ko behad pazirai mili aur ye tasweer aap ne Pakistani Army ke liye teen martaba taiyar ki. Punjab University ke shuba e fine art se aap 1975 mein retire ho gaein lekin apne tajurbe aur maharat ki badolat aap ne apni khidmat musalsal jari rakhein1983 mein aap ko tahayat professor emirates muqarar kiya gaya.

1977 mein aap ne Quaid e Azam aur AllamaIqbal ke do bare bare portrait banaye jo Fasil Auditorium Punjab University new campus mein aawezan hain. Anna Molka Ahmed ne taqreban nifs sadi tak fan e musawiri ki khidmat ki. Ana Molka ne landscape, philosophical aur mazhabi paintings, drawing aur mono mantel painting ke beshumar namone bator yadgar chore hain. Is ke elawa Sheikh Sadi ki katab Gulistan, rubaiyat Umar Khayam, Firdosi ke shahnama ke leye tasaweer banaein. Beshuma scatches is par mustazad hain. Pakistan ki dehati zindagi ki akasi aur qudrati manazir un ke dil pasand muzoat mein se the.

Hukumat e Pakistan ne Anna Molka Ahmed ki khidmat ko sarahte howae1963 mein aap ko “Sitar e Imtiaz” se aur 1969 mein Pride of Performance se nawaza. Is ke elawa 1982 mein aap Quaid e Azam artists award 1983 mein Pakistan federation of business and professional woman club ki taraf se gold meddle ki mutahiq qarar de gaein. Ana Molka ne 21 April 1994 ko wafat pai aur Lahore ke qabrustan Miyani Sahab mein supurd e khak hoein.

Benazir Bhutto Zulfiqar Ali Bhutto Nawaz Sharif
Altaf Hussain Pervez Musharraf Asif Ali Zardari

 

 

 

 

@Copy right 2012-2014 www.urdubiography.com