Welcome to Urdubiography
Home > Social Workers >Bilquis Edhi
 

 

 

Bilquis Edhi

Bilquis Edhi was born on 14 August 1947. She is a social worker and she is wife of Abdul Satar Edhi also a social worker in Pakistan. For the past 46 years, she is severing the nation, and Pakistani people call her “Mother of Pakistan.” Bilquis Edhi is the head of the “Jhula project” of Edhi Foundation. Bilquis Edhi specially takes care of women and children in Pakistan who are needy. She is taking care of thousands of orphan children. For her Noble work Bilquis Edhi was awarded by “Hilal e Imtiaz” and “Ramon Magsaysay.”

Bilquis Edhi Biography In Urdu

Bilquis Edhi Photo
Bilquis Edhi ke naam se kon waqif nahi. Bilquis Edhi bemisal samaji karkun, Abdul Satar Edhi ki nifs behtar hain. Aur guzishta 46 saalon se ye farz is khubi ke sath nibhati chali arahi hain ke aaj na sirf Pakistani unhen ehtaram ki nazar se dekhta hai balke un ki belos khidmaat ka sherah beron e mulk bhi hai. Pakistani quom unhen “madar e Pakistan” ke laqab se pukarti hai. Yaqenan kuch afrad ese hote hain ke Allah buzurg o bartar jinhen kuch khas kaamon ke leye muntakhib karta hai. Bilquis Edhi ka shumar ese h afrad mein kiya ja sakta hai. Is baat ka ishara un ki tarikh e peaidaish se bhi milta hai jo 14th August 1947 hai yani aan qayam e Pakistan ke roz. Aur aaj wo samaji karkun aur Bilquis Edhi Foundation ki sarbarah ki hesiyat se pehchani jati hain. Bilquis Edhi ki karkardagi ka dairah is qadar wasi hai ke mukhtasir alfaz mein jis ka ahata mumkin nahi.

Bilquis Edhi ne shohar ka sath dete howae foundation ke kaamon mein bharpor tarike se un ka sath diya. Edhi center mein 1952 se qaim shudah jhula project ka charge bhi unhon ne bakhubi sanbhala. Is project ke tehat ab tak mulk bhar se hazaron ki tadad mein unchahe bache panah hasil kar chuke hain. Bilquis Edhi ne logon ke leye ye aam pegham jari kiya ke “unchahe bachon ko jan se na marein balke unhen humare jhulon mein dal den.”

Bilquis Edhi , Pakistan bhar mein khososi tor se uraton aur bachon ke mamlat sanbhalti hain. Is kaam mein un ki betiyan bhi sath deti hain. Elawa izen “Bilquis Edhi Foundation” ke har shube ke intezamat mein un ka hissa hai. Wo ab tak hazaron gharib aur nadir larkiyon ki shadi ache gharanon mein karwa chuki hain. Aur taqreban char hazar lashon ko kafan de chuki hain. Un ki dardmandi ka andaza is baat se lagaya ja sakta hai ke dehshat gardi ke waqeyat aur mukhtalif hadsat mein halak hone walon ke bkhire aza ko mutadid martaba unhon ne apne hathon se yakja kiya. Hazaron lawaris bachon ko pal pos kar bara kia aur taqreban 1 lakh larkiyon ko un ke ghar pohchane ka neek kaam sar anjam deya.

Bilquis Edhi ko in khidmaat ke eteraf mein “Hilal e Imtiaz” aur “Ramon Magsaysay” award ke elawa 350 mutafariq inamaat aur ezazat mil chuke hain jin ki tafseel khud unhen bhi yad nahi. Tahum un ka kehna hai ke “ab main ne ezazat wasol karne chord eye hain. Aur main sirf kaam par tawajah dena chahati hun kyun ke waqat kam hai aue kaam bohat ziyadah hain na jane kab humara bolawa aajaye.”

Abdul Sattar Edhi Ansar Burney Asma Jahangir
Anna Molka Ahmed Imam Bibi Begum Rana Liaquat Ali Khan

 

 

 

 

@Copy right 2012-2014 www.urdubiography.com