Welcome to Urdubiography
Home >> Poets >> Helen Keller  

 

 

Helen Keller

Story of Helen Keller is a story of a blind and deaf girl who not only got the higher education but she gave courage to the people who were lost hope form their lives. Helen Keller was born in 1880 in Alabama, America. She was not born deaf and blind but when she was 19 months old she face a horrible disease. She survives from the disease but she lost her hearing and talking powers. She spent her initial few years without hope and alone. One day she start playing with a doll and then with the daughter of their cook. Helen keller’s mother was very worried for her. Her mother takes Helen to Miss Eon Miens Field Salon and Miss Salon changed Helen Keller life forever. You must read Helen keller’s biography and you will be amazed from her courage and who wonderfully she lived her life. Helen Keller was died in 1968 at the age of 88. In this page, you can read Helen Keller Biography In Urdu, Helen Keller History In Roman Urdu.

Helen Keller Biography In Urdu

Helen Keller Photo

Helen Keller ki kahani aik behri aur nabena bachi ki kahani hai jis ne apne andhe pan aur behre pan ke bawajod na sirf aala taleem hasil ki balke mayos logo ke dilon mein apne josh aur walwale se himat paida ki. Helen Keller 1880 mein American riyasta Alabama ke aik qasbe mein paida hoein. Ibteda mein wo dosre bachon ki tarah normal jismani ehliyaton ki malik thein lekin 19 mah ki umar mein aik khofnak marz ke hamle ne us ka dimagh maoof kar deya. Ilaj se us ki jan to bach gai lekin wo hameshah ke leye nabena aur behri ho gai us par mustazad ye ke jo alfaz wo bol sakti thi, wo bhi bhol gai.

Ibtedai chand saal us ne mayosi aur tariki mein guzare. Phir us ne apni gurya aur habshi bawarchi ki beti ke sath khelna shuru kiya. Halen Keller ki waldah us ke liye bohat pareshan rehti thein.

Unho ne aik jagah parha ke kisi shakhs ne aik behri aur andhi aurat ko parhna likhna sikhaya tha. Mukhtalif jagah dar badar ho kar us ki waldah telephone ke mujid doctor Graham Bell se milein aur unhon ne unhen special bachon ki ustani Miss Eon Miens Field Salon tak pohancha diya. Miss Salon Helen Keller ki zindagi mein inqelab ban kar warid hoein. Miss Salon ne Helen Keller ke hath par alfaz likh likh kar ehsasat ke zarye ese horf e tahaji se mutarif karaya. Helen Keller ke hath mein gurya pakra kar wo us ke hath par gurya ke horf e tahaji likhti. Helen Keller ke hath par pani ke nal se pani gira kar us ko pani ki hije yaad karati. Yahan tak ke Helen Keller ke tajasus ki tasqeen ke liye Miss Salon ne Helen ki hatheli par ande se choza nikalne ka aamal tak mukamal karaya. Is tarah Helen Keller ki zindagi mein taleem ka aghaz howa aur baad mein wo mukhtalif marahil te kar ke aik shandar musanifa bani.

Helen Keller ki taleem ka dosra dor us waqat shuru howa jab us ki ustad ne brills par chapi hoi kitabein mangwaein. Is dor mein Helen Keller bohat mehanti aur hoshiyar shagird sabit hoi aur bari asani aur josh se us ne ubhri hoi tehriron ko parhna shru kar diya. Jese ji use parhna likhna agaya wo khud khatot likhne lagi. Us ke khatot se us ki ghair mamoli sojh bojh aur us ke dilchaps khayalat ka andaza hota tha. Jab khud us ke pas koi khat aata to wo apni unglion se sotor ka matlab nikalti. Jab Helen Keller ki umar 8 saal ki hoi to Miss Salon ne te kiya ke ab wo waqat aagaya hai ke wo dosre bachon se mile. Chunacha wo use Boston Perkins Institute tuition le gai. Helen ko ye jan kar bari khushi hoi ke aur bhi bache ese the jo us ki zaban mein batein karte the aur wo jab garam joshi se us ka hath dabate to use mehsos hota ke us ke un ke darmiyan aik ghair mari rishta hai.

1890 mein jab Helen Keller ki umar 10 saal thi to us ki ustani us ko mukhtalif mashkein karati thi jin ki madad se Helen Keller mukhtalif English horf e tahaji ki awazein likalne ke qabil ho gai taham wo bhar por awaz na likal sakti thi aur us ke bole howe alfaz sirf us ki ustani hi samajh sakti thi. 1900 mein Helen Keller ne Unani, Latini, German, Algebra aur Geometry ke imtehanat pass kiye aur red Cliff College mein dakhil ho gai. College mein us ne agarcha nihayat masrofiyat ke aalam mein char saal guzare lekin is arse mein us ne do kitabein “Meri zindagi ki kahani” aur “Rijaiyat” takhliq kein. In kitabon mein us ne is yaqeen ka izhar kiya ke musarrat aur shadmani ki badotal is qabil ho saki hai ke wo masher ki khidmat kar sake. College ki rasmi taleem diploma hasil karne par khatam ho gai tahum us ki ghair rasmi taleem kabhi khtam na hoi aur ingrezi, francici aur German kutub ko parhti rahi aur naye josh o kharosh se likhti rahi. Dosron ki madad kar ke wo khushi mehsos karti. Rafah e aam ke kaamon aur qalmi imdad se kabhi gurez na karti. Helen Keller ki ziyadah tar koshishein apne hi jese degar nabena afrad ke leye waqf thi. Helen Keller zati tor par dosron ko himat delati aur un ke dilon mein zindah rehne ki lagan barhati. Wo nabena afrad ke Mesa chastise commission ki rukun bhi banni. Isi tarah nabena aur behre afrad ki degar kai anjomanon ki rukniyat bhi us ne qabol ki.

Rafta rafta us ki shurat barhne lagi aur aik waqat aaya ke us ke pas America aur Europe ke dor daraz shehron se bhi khutot aane ka bhi silsila shuru ho gaya. Wo hamesha har khat ka jawab deti. Helen Keller ke doston ka halka bohat wasi tha. Us dor ke mushahir ke sath us ke gehre taluqat the. Shehar ki nisbat Helen ko dehat ka muhol ziyadah pasand tha. Wo fitrat ko nihayat qareeb se dekhna pasand karti thi. Wo nihayat bahimat aur deleer khaton thi. Helen Keller ne tamam umar mayosi ko qareeb na phataken deya aur apne azam o himat se mazoron aur sehatmandon ki duniya mein aik esi roshan missal qaim kar di jis ko duniya yad rakhe gi. Helen Keller ne 88 saal ki taweel umar pai aur 1968 mein us ka inteqal howa.

Ibne-Safi Allama Iqbal Ahmed Nadeem Qasmi
Habib Jalib Mirza Ghalib Parveen Shakir

 

 

 

 

@Copy right 2012-2014 www.urdubiography.com