Welcome to Urdubiography
Home > Social Workers >Imam Bibi
 

 

 

Imam Bibi

Imam Bibi was the mother of Allama Iqbal. Every one calls her “be je.” Imam Bibi was not literate she only know namaz and she offer namaz regularly. Imam Bibi was a very humble and kind woman and for that quality, she was popular in family. Imam Bibi was a very softhearted person, she help poor, Imam Bibi cannot see any one in problem and she always ready to help them. Imam Bibi died on 9 November 1914.

Allama Iqbal Mother Imam Bibi

Imam Bibi Photo

Allama Iqbal ki waldah Imam Bibi wo azeem khatoon thein jinhon ne us mard e haq agah ko janam diya jis ne apni jhanjhor dene wali shairi se umat e muslima ke tan e murda mein nai roh phonk di, mayosiyon ke andhere mein nai raoshni dekhai, jawanon ko ishq o junon ki lazat se ashna kiya, maqhoron ko khudi ka sabaq parhaya aur maghribi tehzib o falsafe ki bunyad hila kar rakh di.

Allama Iqbal ke walid Sheikh Noor Muhammad ki shadi moza sambaryal zila Sialkot ke aik Kashmiri gharane mein hoi thi. Un ki biwi aur waldah Iqbal ka naam Imam Bibi tha. Imam Bibi likhne parhne se na waqif thein. Sirf namaz janti thein jise wo baqaidah ada karti thein. Nakhunda hone ke bawajod bari mamla feham, dor andesh aur mudabir khatoon thein. Khandan ke jhaghron ka khush aslubi se tasfiya karati thein aur muhale ki khawaten mein bari maqbol thein.

Apne tibbi gudaz aur reham dili ki badolat Imam Bibi kisi ko musibat mein nahi dekh sakti thein. Ghurba ki amdad karna magar is andaz mein ke kisi ko khabar na ho, un ka dastor tha. Un ka aik aur tarika ye tha ke muhale ke gharib gharanon ki das bara saal ki teen char bachyon ko apne han le atein aur un ki kafeel ban jatein. Imam Bibi amor e khana dari ki taleem detein, silai karhai sikhatein, apni baho betiyon se parhne likhne ke elawa dini taleem dilwatein. Phir koi munasib sa rishta dekh kar un ka biyah kar detein. Jitna arsa wo larkiyan un ki tehwil mein rehtein, wo un ki dekh bhal bilkul betiyon ki tarah kartein aur shadiyon ke waqat bhi un ko betiyon ki tarah rukhsat kartein. Shadi ke bad wo larkiyan un ke ghar isi tarah atein jese betiyan meke ati han.

Allama Iqbal ki waldah ka inteqal9 November 1914 k howa aur unhen Imam sahib ke qabrustan mein dafan kiya gaya. Itefaq se 9 November hi Iqbal ka youm e wiladat hai chunacha apni waldah ke inteqal par Iqbal pore 37 baras ke the, is ke bawajod unhon ne apni waldah ki mout ko is tarah mehsos kiya jis tarah koi kamsin bacha nehsos karta hai. Bachpan ki sari yadein aur shokhiyan maa ke sath wabasta thein. Aap ko sakht sadma howa aur kai roz tak aap dil girifta rahe.apni waldah ki wafat ke hawale se Iqbal ne maha
raja Parshad ko tehrir kiya:

“Ah! Isnan apni kazori ko chupane mein kis qadar taq hai. Be basi ka naam sabar rakhta hai aur phir is sabar ko apni himat o istaqlal ki taraf mansub karta hai. Magar is hadse ne mere dil o dimagh mein aik shaded taghaiyour paida kar deya hai. Mere leye duniya ke mamlat mein dilchaspi lena aur duniya mein barhne ki khuwahish karna sirf waldah sahiba ke dam se tha. Ab ye halat hai ke mout ka intezar hai. Duniya mein mout sab insanon tak pohanchti hai aur kabhi kabhi insan bhi mout tak pohanch jata hai. Mere qalb ki mujodah kefiyat ye hai ke wo to mujh tak pohanchti nahi, kisi tarah main us tak pohanch jaoon.”

Abdul Sattar Edhi Allama Iqbal Ansar Burney
Altaf Hussain Pervez Musharraf Asma Jahangir

 

 

 

 

@Copy right 2012-2014 www.urdubiography.com