Welcome to Urdubiography
Home >>Social Workers >> Lady Diana  

 

 

Lady Diana

Lady Diana was born on 1 July 1961. On 29 July 1981, she was married to Princes Charles. Lady Diana was not only famous for her relation from Royal family but also she was a social worker. Lady Diana was a very kind hearted and humble person She love children a lot, when Princess Diana came to Pakistan for the fundraising of Shukat Khanam Memorial hospital she express lots of love and care for cancer patients children. Lady Diana died on 31 August 1997 in a car accident. In this page, you will read Lady Diana Biography In Urdu and Roman Hindi.

Lady Diana Biography In Urdu

Lady Diana Photo

Lady Diana 1st July 1961 ko paida hoein aur 31 August 1997 ko sirf 36 saal ki umar mein is duniya se rukhrat hoein ke unginat log ashkbar ho gaye. Aaj bhi Lady Diana ke tazkare par bohat si aankhe nam ho jati hain. Lady Diana ka silsila e nasab bhi shahi khandan se ja milta hai, Lady Diana ke khandan aur bartaniya ke hukumran khandan ka bahimi taluq kam o besh 100 saal porana tha. Princes Charles se Lady Diana ki shadi ke zarye goya in khandanon ke bahimi taluq ko mazbot tar banane ki koshish ki gait hi. Kise malom tha ke ye bandhan aik ese almiye par anjam pazir ho ga jo logon ko aindah na jane kitne barson tak afsurdah karta rahe ga.

29 July 1981 ko Princes Charles se Lady Diana ki shadi ki aik esi taqreeb thi jese log umoman khuwabon mein dekhte hain.us waqat duniya bhar mein aaj ki tarah TV channels ki bohtat nahi thi. Is ke bawajod shadi ki is taqreeb ko duniya bhar mein kam o besh sareh sath (7.5) lakh afrad ne dekha. Princes Charles se mangni ke elan ke sath hi Shahzadi Diana duniya bhar ke logon ki tawajah ka markaz ban gai thein. Lady Diana ki shakhsiyat kuch esi dil kash aur man mohni thi ke media un ki tarah khincha chala aata tha. Paris ke aik zer e zamin raste par car ke khofnak hadse mein un ki halakat ke foran bad aik khayal to ye bhi samne aaya tha ke media ki mohabat ne hi dar haqiqat un ki jan le li. Kaha ye gaya tha ke Papa Razi aik photographer us waqat un ka taqub kar rahe the jab wo apne dost Dodi Alfaid ke sath hotel se nikal kar gari mein ja rahi thein. Driver in photographers se bachne ke leye hi gari ki rafter barhata chala gaya lekin bad mein ye khayal ghalat sabit ho gaya.

Bohat se logon ka khayal tha ke Princes Charles ki surat mien shayad 19 saal ki umar mein Lady Diana ko apni khuwabon ka shahzadah mil gaya tha lekin shadi ke chand saal bad hi Diana ke chehre par is nakhushi ki parchaiyan nazar aane lagi thein aur un ki baton mein is na aasodgi ka suragh milne laga tha jo kam iz kam kisi esi larki ki zindagi mein nazar nahi aasakti jis ne apne khuwabon ke shahzadae ko pa liya ho. Is ke bajaye wo kisi ese qafas ki qedi lagti thein jise insani aankh dekh nahi pati thi.

Shahzadi diana sirf apni shahi hesiyat aur ghair mamoli shakhsiyat ki wajah se hi media ki tawajah ka markaz nahi rahein balke is ki aik bari wajah un ki beloss samaji aur rafahi khidmat bhi thein. Unhon ne duniya bhar mein barodi surangon par pabandi lagwane ke leye bhar por muhim chalai thi. Agar zindagi moqa deti to shayad ye muhim natija khez sabit hoti. Mazor aur mulhik amraz mein mubtala bachon se un ki mohabat ka ye alam tha ke sakht garmi mien din bhar ka safar kar ke Africa pohanchein aur aik hospital mien aik bache ka hath pakar kar kai ghante us ke pas beti rahein, jis ki donon tangein barodi surang se urh gai thein. Wo bacha bach nahi saka magar mehaz Lady Diana ki mohabat o shafqat ke ehsas ne us ki aziyat kam kar di. Wo marte waqat khush tha.

Lady Diana Imran Khan ke Shukat Khanam Memorial hospital mein fundraising ki aik taqreeb mein shirkat ke leye Pakistan aaein to cancer ke mariz bachon ko bhi god mein leye bethi rahein jihein shayad un ke nihayat qarebi azizon ne bhi god mein bethana chor diya tha. Lady Diana das (10) se zaid bare aur ban ul aqwami falahi idaron ke uhde daron mein shamil thein jin ke leye atyat jama karne ki sargarmiyon mein hissa lene ke elawa unhon ne un idaron ko apne zati sarmaye mein se bhi bari bari roqom di thein . Princes Charles se 28 August 1996 ko baqaidah talaq ke bad wo jitney arse zindah rahein, is doran yake bad degare do mardon se un ka taluq khatir istawar howa. Na jane ye itefaq tha ya Lady Diana ki kisi dili khuwahish ka aks ke donon hi mard musalman the (aik Dodi Alfaid aur dosre Pakistani nasrad doctor Hasnat) magar in mein se kisi aik ke sath bhi shadi ke kuwab ko tabir na mil saki aur wo aik hangama khez magar tashna si zindagi guzar kar Dodi Al fayed ke sath 31 August 1997 ko car ke khufnak hadse mien halak ho gaein. Is din ko yad kar ke aaj bhi be shumar dil sogwar ho jate hain.

Abdul Sattar Edhi Imran Khan Ansar Burney
Altaf Hussain Mother Teresa Asma Jahangir

 

 

 

 

@Copy right 2012-2014 www.urdubiography.com