Welcome to Urdubiography
Home > Social Workers >Majida Rizvi
 

 

 

Majida Rizvi

Majida Rizvi the first lady Judge of Pakistan. Her education was done in Karachi. She was graduate from Woman College and then she did masters in Political science and international relations from Karachi University. She was done L.L.B from S.M Law College. After the Law Degree, she did not get the permission for practice, her family members think that she will face many problems because at that time law was only male is profession. Majida Rizvi started her practice in January 1963. In 1964 she starts writing columns in newspapers in which she writes about the problems of woman and their solutions. Majida Rizvi became the Judge of High Court in 1994.

Justice Retire Majida Rizvi

Justice Majida Rizvi Photo

Justice Retire Majida Rizvi bhi un basaor khawateen mein shamil hain jo mehaz apne leye nahi jetein. Majida Rizvi ne apne liye apni jid o jehad aur mehnat se aik buland aur qabil e fakhar muqam hasil kiya, Majida Rizvi Pakistan ki pheli khatoon Judge hone ka ezaz hasil hai aur apne shube ki wo behad laiq aur muhtaram shakhsiyat hain. Majida Rizvi career ki kahani sunate howae kehti hain ke meri education Karachi mein hoi, main ne woman College se graduation kiya, is ke baad Karachi University se political science aur international relations mein masters kar ke main law karne S.M College ayi. Jab main ne law ki taleem hasil ki to mery samne amli zindagi mein apni salahiyaton ke istemal ka jazba aur lagan karwatein lene laga. Magar mujhe malom tha ke mujhe ghar se baasani ijazat nahi mile gi. Is leye 6 mahine tak main apni family ko is khuwahish k amli jama phenane ke leye manati rahi ke mujhe practice karne dein.

Darasal mery ghar wale aur degar family members sirf is wajah se mujhe ijazat de mein mali kar rahe the ke qanon ka shuba bari had tak sirf mardon ka shuba samjha jata tha. Un ka khayal tha ke main bila wajah musibatein uthaon gi. June July mein mera result aya tha. 6 mahene bad jab mujhe qanon ke shube mein amli tor par ane ki ijazat mil gayi to January 1963 mein meri enrolment hoi aur is ke bad main ne phir kabhi palat kar nahi dekha. Apne kaam mein is tarah magan hoi ke mujhe khud bhi ye ehsas bad meinhowa ke koi undekhi lagan hai jo mujhe yun din raat masrof rakhe howae hai.1969 mein naye family laws ordinance agaye in laws ki wajah se mujhe aur degar dosri khawateen ko mazid rahein milein kyun ke logon ki uamomi soch ye ban rahi thi ke in laws ko khawateen hi deals karein. Is tarha District Court mein apni practice jari rakhte howae main ne senior Judge ke sath family laws par kafi kaam kiya.

1964 aur 1965 mein, main ne qawanin ke bare mein akhbarat mein likhna shuru kar deya. Main in columnon mein urton ke masail aur un ka hal batati thi. Is silsile ko bari baqaidgi se main ne 1971 tak chalaya. Is doran business and professional association walon ki ema par main ne aik booklet bhi likhi jis mein Islam aur family laws ke tehat uraton ke hoqoq ki wazahat ki gayi thi. Shanakhti card aur passport banwane ka tarika bhi us mein mujod tha. Death registration kyun zarori hai, birth registration ki kia ahmiyat hai?

Is mein authorities ki nishan dahi ki thi, phir association walon ne is ke Urdu, Sindhi, Balochi, Punjabi aur Pashto zabanon mein tarajum karaye. Jo logon mein taqseem kiye gay eta ke wo apni zabanon mein baasani un masail o mamlat ko samajh sakein.

1994 tak meri practice rahi. Darmiyan mein mukhtalif idaron ke sath kaam karti rahi, corporate practice shuru ki jis mein insurance companies aur bank bhi shamil the is tarah main penal par agayi. Ziyadah tar meri practice High Court mein hi hoi. Pheli dafa mera naam gaya tha. Jab mera naam Chief Justice ke pas tha to us waqat ki hukumat bartaraf kar di gayi thi amomi rawaiya bhi kuch hosla aafza na tha log chahate the ke aala adalati nizam mein khawateen age na ane payein jab ke lower judiciary mein kafi khawateen thein jo kaam kar rahein thein. 1994 mein jab High Court ki pheli khatoon Judge banni to ye mery leye bare ezaz ki baat thi.

Aain aur mazhab mein khawateen ko jo hoqoq deye gaye hain un se Majida Rizvi pori tarah mumain hain. Un ka kehna hai ke “aain aur mazhab ne khawateen ko kafi hoqoq deye hain, aain ki ro se urat aur mard ki takhsis jins ki wajah se koi nahi hai magar majmoi tor par samaji rawaiya urton ki taraki ke khilaf hai.”

Abdul Sattar Edhi Ansar Burney Asma Jahangir
Anna Molka Ahmed Imam Bibi Begum Rana Liaquat Ali Khan

 

 

 

 

@Copy right 2012-2014 www.urdubiography.com