Welcome to Urdubiography
Home >> Sports >>Brian Lara  

 

 

Brian Charles Lara

Brain Lara Photo

Brian Charles Lara was a brilliant cricketer of West Indies. He was born on 2nd May 1969 in Santa Cruise Trinidad and Tobago, West Indies. Brian has ten siblings. His Father and elder Sister decided that, Lara admitted in Harvard coaching clinic for early training of bating at the age of six. He received early education from Saint Joseph Roman Catholic Primary School, and then Brian Lara shifted in Fatima College at the age of 14. In this college he started his cricket as an intelligent young player under the coach of cricket team Harry Ramdas. Brian Lara was a left hand batsman and middle order player. He played his first test match in 6th December 1990 against the Pakistan and Lara played his last test series in 27th November 2007 also against the Pakistan. He retired from international cricket at the age of 38. In this page you can see the biography of Brian Lara In Roman Hindi and Urdu.

Brian Lara Biography In Hindi

Cricket ki duniya ne ab tak jo azeem tareen player paida kiye, in mein Brian Lara top of the list hain. Wo 2 May 1969 ko Santa cruise Trinidad and Tobago, West Indies mein paida hue. Lara apne 11 behan bhaiyyon mein 10th number par hain. Lara ke walid aur barhi behan ne inhe 6 saal ki umer mein maqami Harvard coaching clinic mein batsman ki ibtedai taleem ke liye dakhil karwa diya. In ki pehli darsgaah senate Joseph Roman Catholic primary scholl tha, phir wo 14 saal ki umer mein Fatima college muntaqil ho gaey, jahan inho ne cricket team ke coach Harry Ramdas ki zair e nigrani aik zaheen naujawan khiladi ke taur par aaghaz kiya. Lara ne college ke tournament school boy league mein 126.16 runs fee innings ki oasat se 745 runs banae. Jab wo 15 saal ke the to inhe pehli baar 19 naujawan players mein shamil kiya gaya aur under 19 ki numaiydegi karne ka mauqa mila. Brian Lara Trinidad and Tobago mein football aur table tennis bhi khela karte the, magar in ka khayal tha ke cricket in ki kamiyabi ka raasta hai jo inho ne sach kar dikhaya.


Inhe cricket ki duniya mein The Prince bhi kaha jata hai. Brian Lara aik aise batsman hain jis ke gunn cricket ki duniya ke shaiqeen aur cricketers, sab he gaate hain. Wo left hand se bating karte rahe. In ki salahiyaton ko dekhte hue inhe Sir Dawn Bradman, Jawed Miandad, Sir Lan Hatton, Sir Garry Sobers, Sunil, Berry Richards aur Sachin Tendulkar jaise mayanaz batsman ki suff mein shamil kiya jata hai.


Inho ne west indies ki nakaam hoti hui team ko sambhala aur is ki kamiyabi ke liye sara bojh apne kandhon par utha liya. Brian Lara ne apne career ka pehla test match 6 December 1990 ko Pakistan ke khilaaf khela aur pehla aik roza match bhi Pakistan ke khilaaf 9 november 1990 ko 20 saal ki umer mein khela. Yehi nahi inho ne apni alwidaai test series bhi Pakistan ke khilaaf 27 November 2007 mein kheli thi. Multan test mein inho ne jarihana andaaz se bating ki aur kisi bowler se riayat na karte hue double century score ki jise sab yaad rakhenge. Brian Lara ne 131 test matches mein 11953 runs score kiye, wo test matches mein sab se ziyada runs banane ke aitebar se duniya mein 4th number par hain. Inho ne aik roza matches mein 299 innings khel kar 40.48 ki oasat se 10405 runs banae hain. Wo munfarid aur barhe records ke maalik hain. 5 roza cricket mein kae martaba sab se barhi inferadi innings khel kar aalmi record bana chuke hain. Jis mein Australia ke khilaaf 1993 mein 277 runs bhi shamil hain.


Sir Garry Sobers ke 365 runs ka 36 saal tak aalmi record bana raha tha, Brian Lara ne 1994 mein England ke khilaaf 375 runs bana ka rise bhi torh diya, phir Australian batsman Mathew Haddon ne 10 saal bad 2004 mein Zimbabwe ke khilaaf 380 runs bana kar in se yeh aezaaz cheen liya, lekin Brian Lara ne sirf 6 months ke bad he aik shandar innings England ke khilaaf khel kar 400 runs bana kar dobara new record qaiym kar diya. Yeh 5 roza test match mein kisi bhi cricketer ka ab tak sab se barha score hai. Lara ne aakhri aik roza match 21 April 2007 ko England k khilaaf khela. Brian Lara ko first class cricket mein yeh aezaaz bhi hasil hai ke wo aik he innings mein 501 runs banane wale wahid batman ban gae. Yeh aezaaz inho ne 1994 mein Kashair County ke liye khelte hue sabiq Pakistani cricketers Haneef Mohammad ka record torh kar hasil kiya.
Cricket ki duniya par raaj karne wale Brian Lara sehar angaiz bating mein to kamiyab rahe, magar west Indian team ki captainship in ke liye masla bani rahi. 3 baar in ko team ki qiyadat saunpi gai, us dauran inho ne 125 aik roza cricket matches mein se 59 jeete, 59 haarey aur 6 baghair kisi natije ke khatam hue. 47 matches mein se 10 jeete, 25 haarey aur 11 be natija rahe. Inhe pehli bar 1998 mein Australia ke khilaaf series mein captain muqarrar kiya gaya, magar kuch tanazaat aur kharab performance ki wajah se qiyadat chorna parhi, lekin aik baar phir 2003 mein yeh zimmedari inho ne qabool kar li. 2 saal bad team aur board ke ikhtelafaat ke sabab inho ne istefaa de diya aur teesri baar milne wali captainship retirement par khatam hui.


Brian Lara ne 38 saal ki umer mein international cricket ko alvidah kaha. In ke retirement ke faisley par sabiq west indies fast bowler Wesley Hall ne afsoos ka izhaar kiya, Joel Garner aur Michael Holding ne kaha ke Brian Lara aik ache khiladi hain, in ki is salahiyat se faida uthaya ja sakta hai aur west Indian bating ki bartari barqarar rakhne au rise aage barhane mein madad mil sakti hai. Brian Lara ne July 2007 mein Indian cricket league se muaahida kiya aur Mumbai Champions ki qiyadat ki. 4 saal tak cricket se door rehne ke bad January 2011 mein inho ne khair khuwahon ke mana karne ke bawajood apne aap ko IPL mein auction ke liye pesh kiya to boli ki raqam sirf 4 laakh dollar hone ke bawajood kisi ne inhe na kharida. Yeh aik shandaar cricketer ke career ke ikhtetam ka ishara tha.

More Links

 

 

 

 

@Copy right 2012-2015 www.urdubiography.com