Welcome to Urdubiography
Home >> Sports >> Chris Gayle  

 

 

Chris Gayle

West Indies Cricket player Chris gayle photo

Chris Gayle is a West Indies player. Chris Gayle born on 21 September 1979 in Kingston Jamaica. He started his career with Lucas cricket club. Chris Gayle is an all rounder left handed batsman and right handed offbreak bowler. Chris Gayle played his debut ODI match against India on 11th September 1999 and first test match against Zimbabwe on 16th March 2000. In a recent match against Zimbabwe Chris Gayle has played his best innings, he made 215 runs in 138 balls with 16 sixes and came on 3rd position in the list of high scoring batsman in ODI. Chris Gayle and Marlon Samuels scored highest second wicket partnership of 372 runs. In this page you will read West Indies player Chris Gayle News and Biography In Hindi and Roman Urdu.

Chris Gayle Biography In Hindi

World cup mein West Indies aur Zimbabwe ke darmiyan match mein Chris Gayle aur Marlin Samuels ne apni shandar balebazi se aik roza cricket mein kai records apne naam kar leye. West Indian Chris Gayle ne record innings kheel kar Zimbabwe ke khilaf 138 balls par double century dagh di jo ke one day mein ab tak tarikh ki sab se tezz tareen double century record ki gai hai. Is ke sath hi aik innings mein sab se ziyadah runs score karne wale balebaz ki fehrist mein terse darje par faiz hone wale balebaz Chris Gayle ne Hindustan ke khilari Rohit Sharma aur Sehwag ke bad 215 runs score karne ka record bhi apne naam kiya. Aik roza cricket mein sab se ziyadah runs 264 runs banana ka record Rohit Sharma ke pass hai jo unhon ne Sri Lanka ke khilaf banaya tha. Is ke sath jarah mizaj opener ne World Cup ki pheli double century score karne ka bhi record hasil kar liya, is se qabal World Cup mein sab se ziyadah runs banane ka record South Africa ke Garry Christen ke pas tha. Jinhon ne 1996 World Cup mein UAE ke khilaf 188 runs banaye the. Chris Gayle ne jarihana bating ka muzahira karte howe 16 chake laga kar kisi bhi one day mein sab se ziyadah chake lagane ka record bhi barabar kar diya. Waze rahe ke South Africa ke star balebaz AB de Villiers aur Hindustan ke betareen opener Rohit Sharma bhi aik roza cricket match mein 16, 16 chake mar chuke hain. Chris Gayle ne double century banane ke sath sath Marlin Samuels ke sath 372 runs ki shirakat qaim kar ke World Cup ke sath sath aik roza cricket ki bhi sab se bari shirakat ka naya record qaim kar diya hai. Is se qabal 1999 ke World Cup mein Hindustan ke balebaz Saurav Ganguly aur Rahul Dravid ne 318 runs ki shirakat ka record Sri Lanka ke khilaf banaya tha jab ke aik roza cricket mein sab se bari shirakat ka record Sachin Tandulkar aur Dravid ke pas tha jinhon ne 1999/2000 mein 331 runs ki shirakat qaim kar ke aik roza cricket ka naya record banaya tha. Chris Gayle ne is innings mein apne one day career ke 9000 runs bhi mukamal kar leye. Brian Lara ke bad wo ye azaz hasil karne wale dosre West Indian hain.

Chrish Gayle News In Hindi

Match se aik din phele ki twit ne Chris Gayle ko chabi bhar di:

Match se aik din phele ki twit ne Chris Gayle ko goya chabi bhar di. Tanaziat, hangamon, aham khilariyon ke akhraj aur almi cup se phele muqable mein Ireland ke hathon upset shikast ke bad Pakistan ke khilaf jeet ki badolat jese hi West Indies ki cricket aik martaba phir purani dagar par wapis aane lagi hai, aik aur tanaze ne janam le liya tha. West Indies cricket board ke sadder ne samaji rabton ki website par aik esi twit ko aage barhaya jis mein Chris Gayle par sakht tanqid ki gai thi. Chris Gayle Pakistan ke khilaf match mein sirf 4 runs bana kar out howe the jis par un ke aik paristar ke likha tha, “Chris Gayle gaya, aik runs nahi le sakta, ese retirement package thamao”. Is twit ko West Indies cricket board ke sadder David Cameron ne re twit kiya, aur kuch der bad jab unhen ghalti ka indazah howa to usse hatane ke bad mazrat par mushtamil aik pegham diya jis mein un ka kehna tha ke mera maqsad kis ko taqlif pohchana nahi tha.

Chris Gayle Aur Marlon Samuels Ne Zimbabwe Ko Rond Dala:

ICC World Cup 2015 match mein West Indies ne Zimbabwe ko 73 runs se shikast de di. Australia ke shehar Canberra ke Manuka Oval ground mein khele gaye match mein West Indies ne toss jeet kar phele batting karte howe muqarara 50 overs mein 2 wicketon ke nuqsan par 372 runs banaye. Opener Dewayne Smith dosri hi ball par baghair koi run banaye bowled ho gaye jis ke bad Chris Gayle ka sath den eke leye Marlon Samuels aaye aur donon ne Zimbabwean bowlers ki durgat banate howe 372 runs jor kar dosri wicket ke leye tarikh ki sab se bari shirakat qaim ki, Chris Gayle ne Zimbabwe ke bowlers ko gali muhale ke khilari samajhte howe dho dala aur chakke chukon ki barsat karte howe 9 chokon aur 16 chakon ki madad se World Cup 2015 ki pheli aur sab se tez century score ki. Marlon Samuels bhi runs ki behti ganga mein kisi se peche na rahe aur 133 runs not out ki shandar innings kheel kar sab se bari shirakat mein aham kirdar ada kiya. Zimbabwe ki janib se wahid wicket Tinashe Panyangara ne li. Zimbabwe ne hadaf ke taqub mein innings ka aghaz kiya to chand overs bad hi barish ke bais kheel rokna para aur barish rukne ke bad jab kheel ka dobara aghaz howa to hadaf Duckworth Lewis System ke tehat kam kar ke 48 over mein 363 runs kar diya gaya jis ke jawab mein Zimbabwe ki pori team 44th over mein 289 runs bana kar out ho gai.

 

More Links

 

 

 

 

@Copy right 2012-2015 www.urdubiography.com