Welcome to Urdubiography
Home > Sports >  

 

 

FIFA World Cup 2014

Football is the most popular game in the World. The biggest event of Football is FIFA World Cup. Football World Cup is going to be start on 12th June 2014 and it is going to be held in Brazil. Brazil is a country of footbaal lovers where Watching and playing football is as similar as worship. Host cities of World are Brasilia, Sao Paulo, Salvador, Recife, Cuiaba, Manaus, Natal, Rio de Janeiro, Fortaleza, Belo Horizonte, Porto Alegre and Curitiba. Tweleve stadiums are secleted for the matches of World Cup and they are Eatadio Mane Garrincha, Arena Corinthains, Arena Ionte Nova, Itaipava Arena Pernambuco, Arena Pantanal, Arena do Amazonia, Arena das Dunas, Maracana, Castelao, Miueiroa, Porto Alegre and Arena da Baixada. 32 teams are participating in the world Cup. The teams are Australia, Japan, Iran, South Korea, Costa Rica Mexico, United State of America, Algeria, Cameroon, Ghana, Nageria, Ivory Coast, Argentina, Brazil, Chile, Colombia, Uruguay, Ecuador, Belgium, France, Netherlands, Bosnia - Herzrgovina, Portugal, Greece, Croatia, Germany, Russia, England, Italy, Spain and Switzerland. All the teams are divided in to 8 groups. Logo pf the Football World Cup is called Inspiration and the mascot is called ”Faleco”.

Fifa World Cup 2014 In Urdu

Football World Cup 2014 Brazil mein munaqid ho raha hai aur Brazil bilashubah Football se diwangi ki had tak muhabat karne walon ka mulk hai. Jahan Football dekhna aur kheelna aik abdat ki se ahmiyat rakhta hai. Lehazah tawaqa hai ke teams ke mabeen zabardast marka aarai ho gi. Aaiye kurah e arz ke is aham tareen kheel ke mah e rawan mein hone wale sab se bare almi event ke bare mein jante hain.

Mezban Mulk Brazil Ka Intekhab:

Mojudah Football World Cup tarteb ke lehaz se beaswan (20th) event hai. Jis ke ineqad ke leye kai mumalik khuwahishmand the. Tahum qura e fal Brazil ke naam nikla. Foot ki almi tanzem FIFA ne foot baal ke almi cup ke muqablon ke leye “rotation” ki policy ke tehat ye fasla kiya tha. Is policy ka elan karte howae FIFA ke saddar “Sep Bilatar” 7th March 2013 ko elan kiya tha ke World Cup ke leye Football ki tamam alimi tanzemon ko masawi tor par muqablon ke ineqad ka muqa dene ki policy apnai gai hai, jis ke tehat 2014 ka Football World Cup Jonubi America ki Football fedaration se taluq rakhne wale kisi bhi mulk mein munaqid kiya jaye ga. Is elan ke bad khud bakhud Jonubi America ke bahar sargaram e amal tamam Football fedrations World Cup ke ineqad ke muqable se bahar ho gayein aur Jonubi America ki Football ki tanzeem “South American Football Assosiation” ke members mumalik ke mabeen tehra.

In mumalik mein Argentina, Bolivia, Brazil, Cheli, Colombia, Ecuador, Paraguay, Uruguay, Peru aur Venezvila shamil hain.tahum 3 June 2013 ko Argentina, Brazil aur Colombia ke elawa tamam mumalik ne muqable ke ineqad ki dor se khud ko alehdah rakhne ka elan kiya. Is elan ke taqreban aik saal bad 17 March 2004 ko South American Football Assosiation ke mutazamin ki janib se elan kiya gaya ke World cup 2014 ke muqable Brazil mein munaqid kiye jayein ge. Is peshraft ke baad 13 December 2006 “Brazilian Football Confederation” ke us waat ke saddar “Ricardo Teixeira” ne bazabta tor par muqabalon ke ineqad ki hami bharte howae Brazil ko FIFA ke samne bator umeedwar mulk pesh kia. Tahum is doran Colombia ne 18 December 2006 ko elan kiya ke wo bhi muqabalon ke ineqad ke leye bator umeedwar is muqabale mein dakhil ho raha hai. Lekin mehaz 5 mah bad hi 11 April 2007 ko Colambia bhi muqabale ke dor se dastbadar ho gaya, jab ke Argentina ne kisi bhi marhale par khud ko bazabta umeedwar ki hesiyat se pesh nahi kiya. Is tarah taqreban 6 mah ki mushawarat ke bad FIFA ne 30 October 2007 ko elan kiya ke chun ke 20014 ke Football World Cup ke ineqad ki dor mein Brazil ke elawa koi mulk sharik nahi hai, lehaza 2014 ka Almi Cup Brazil mein munaqed kiya jaye ga.

Mezban Shehar:

Football World Cup 2014 ka mezban mulk mutakhib hone ke bad almi satah par is baat ka wawela kiya gaya ke Brazil iqtesadi tor par is qabil nahi ke wo in muqabalon ke leye almi mayar ke stadiums tameer kar sake.is hawale se 2006 mein FIFA ke saddar “Sepp Blatter” aur us waqat ke Brazilian saddar “Luiz Inacio Lula da Silva” ke darmiyan is gufto shaneed ko khas ahmiyat hasil rahi jis mein Brazil ke Saddar ne is baat ka iqrar kiya tha ke in ka mulk almi Cup ke muqabalon ke leye pori tarah taiyar nahi hai, bilkhosos mayari stadiums ki tameer aik bohat bara masla hai.

Tahum Brazil kyun ke Football ke dewanon ka mulk hai lehaza isjazbe ko samne rakhte howae Brazilian Football Assosiation ne stadiums ki tameer ke leye din raat aik kar deye. Mutazamin ke mutabiq World Cup ke muqabalon ke leye ibtedai tor par 18 sheharon ka intekhab kiya gaya. Tahum FIFA ne in sheharon ki tadad ko 10 se 8 tak mehdod karne ka mashwarah diya jis ke jawab mein Brazilian Football Confedrationke us waqat ke Saddar Ricardo Teixeira ne muqabalon ke leye sheharon ki tadad 12 mutaiyan kar di. 31 May 2009 ko muqabalon ke mezban sheharon ka elan karte howae unhon ne waze kiya ke ye wo shehar hain jin ke zarye pore mulk mein Football ke tamashai muqabalon se mehzoz ho saken ge. Waze rahe ke ye tamam shehar Brazil ke taqreban tamam aham elaqon ya khiton ka ahata karte hain. In sheharon mein Brasilia, Sao Paulo, Salvador, Recife, Cuiaba, Manaus, Natal, Rio de Janeiro, Fortaleza, Belo Horizonte, Porto Alegre aur Curitiba shamil hain.

Akharajaat, Etarazaat aur Ahtejaj:

Guzishta saal December tak naye stadiums ki tameer aur purane medanon ki tazeen o araish ke leye Brazil Football Assosiation aur Brazilian hukumat ne 3.7 Billion Dollor ke akhrajat ka takhmina lagaya tha. Tahum is andazah lagai gai raqam mein 435 Million Dollor ka ezafah howa jis par zabardast awami rad e amal bhi samne aaya. Lekin Brazilian hukumat ne naye stadiums ki tameer aur degar tamirati kaamon ka silsila jari rakha. Stadiums ki tameer ke elawa sarkon ki tameer, Tram service, Railway line, Airports aur degar tamirati kaamon ke akhrajat ke leye mashhor maliyati adare Bloomberg ne World cup ke doran majmoi tor par 14.5 Billion Dollor se zaid akhrajat ka takhmina lagaya hai. Dosri taraf Brazil ke wazir e Kheel Aldo Rebelo ka kehna hai ke World Cup ke ineqad se Brazil ki maishat mein lag bhag 90 Billion Dollor dakhil hon ge, jis ka baraherast faidah awam ko hasil ho ga. Is ke bawajod World Cup par ane wale akhrajat aur stadiums ki tameer ke leye rihaishi elaqon ko khali karane par Brazil ke bare sheharon mein zabardast muzahire kiye gaye aur ye silsila jari hai.

Stadiums:

World Cup ke doran majmoi tor par 12 stadiums mein muqabalon ka ineqad ho ga. Inmein se 7 medan naye tameer kiye gaye hain. Jin mein Brasilia mein waqaye “Eatadio Mane Garrincha” bhi shamil hai. Is stadium mein World Cup ke 7 muqable hon ge. Dosra naya stadium Sao Paulo shehar mein hai jis ka naam Arena Corinthains hai. Is stadium mein World Cup ka aftetahi match khela jaye ga. Is stadium mein majmoi tor par 6 matches khele jayen ge. Tesra naya stadium Salvador shehar mein Arena Ionte Nova hai. Is stadium mein World Cup ke 6 matches khele jayen ge. Chotha (4th) naya stadium Recife shehar mein hai us ka naam Itaipava Arena Pernambuco hai. Is stadium mein 5 matches ka ineqad ho ga. Panchwa (5th) naya stadium Cuiaba shehar mein waqe Arena Pantanal hai. Is stadium mein 4 matches khele jayen ge. Chata (6th) naya stadium Manaus shehar mein tamir kiya gaya hai jis ka naam Arena do Amazonia hai. Is stadium mein bhi 4 matches khele jayen ge. Satwa (7th) naya stadium Natal shehar ka Arena das Dunas hai. World Cup ke leye is stadium ko 4 matches ke leye muntakhib kiya gaya hai.

Panch degar purane stadiums mein Rio de Jaeiro shehar mein waqe Maracana hai. Is stadium mein 7 matches khele jayen ge. Dosra medan Fortaleza shehar mein waqe Castelao hai. Is stadium mein 6 matches khele jayen ge. Tesra medan Belo Horizonte shehar mein waqe hai aur is stadium mein 6 matches khele jayen ge. Is stadium ka naam Miueiroa hai. Chotha (4th) purana stadium Estadio Beira- Rio hai jo ke Porto Alegre shehar mein hai. Is stadium mein 5 matches munaqid hon ge. Panchwa (5th) aur akhiri medan Curitiba shehar mein waqe Arena da Baixada hai. Is stadium ko 4 matches ke leye muntakhib kiya gaya hai.

Iftetahi Taqreeb:

2014 ke Football World Cup ki 12 June ko hone wali iftetahi tarqeeb is lehaz se munfarid ho gi ke is mein atishbazi ka muzahirah mehdod pemane par kiya jaye ga aur is ki jagah aik esa roshan gola Sao Paulo ke stadium mein utara jaye ga jis ki rshani tamam elaqe ko baqa e noor bana de gi. Ye gola 90 hazar barqi qumqumon se roshan ho ga. Is ke elawa iftetahi taqreeb mein 6oo se zaid fankar apni fanni salahiyaton ka izhar bhi karen ge, jis ke doran ko brazil ki qadeem aur mojudah saqafat aur tehzibi sargarmiyon ki manzar kashi karen ge. Is moqe par mard aur khawateen fankar raqs aur kartab bazi ka bhi muzahirah karen ge. Taqreban nisf ghante tak jari rehne wali ye taqreeb Brazil ke waqat ke mutabiq 3 baj kar 15 minute par shuru ho gi.

Hifazati Iqdamaat:

2014 ke World Cup ke kamyab ineqad ke leye Brazil ne bare pemane par hifazati iqdamaat keye hai, jin mein riwayati talashi ke program ke sath sath sarhadon ki hifazat se le kar sheharon mein scurity ke nizam mein dor ras tabdiliyan shamil hain.

Muqable Formate:

Mezban mulk Brazil samet majmoi tor par World Cup 2014 mein 32 teams shirkat karen gi. Jihen ibtedai tor par 8 groups (first round ya Group stage) mein 4, 4 teamon ke lehaz se taqseem kiya gaya hai. In groups ko English Alphabets A se le kar H tak naam deye gaye hain. Har group ke 4, 4 teams apas mein 3, 3 match (round Ribbon) khelen gi. Is tarah 12 June se 26 June tak 48 matches ke bad har group se winner aur runner up team (majmoi tadad 16 teams) agle round jise round 16 kaha jaye ga ke marhale ke leye qualify kar len gi. In muqablon ke nataij ke bad quarter final mein pohanchne wali teamon ka elm ho jaye ga aur 28, 29 30 June aur 1 July ko fatah pane wali teams quarter final mein pohanch jayen gi jin ki tadad 8 ho gi. In 8 teamon mein se 4 teams 4 July aur baqiya 4 teams 5 July ko apne apne qurter final muqablon mein johar dikhayein gi. Fatah pane wali 4 teams agle marhale yani semi finals ke leye qualify kar len gi. Phela Sami Final 8th July ko Belo Horizonte shehar ke stadium Miueiroa aur 9th July ko dosra Semi Final Sao paulo ke stadium Arena Corinthians mein khela jaye ga. In donon muqablon mein shikast kha jane wali teams 12th July ko 3rd aur 4th position ka match khelen gi, is ke bad Semi Final ki fatah teams 13th July ko Rio de Janeiro ke ground Maracana mein apas mein nabard aazma hon gi. Is match ka natija samne aate hi World Cup 2014 ke 64th match mein Football ke Almi fatahe ka fasla ho jaye ga.

Teams:

Tournament mein majmoi tor par 32 mumalik ki teams sharik hain. Ye teams duniya bhar ki 5 Football confederations mein se apni apni confederation mein munaqid hone wale muqablon ke bad World Cup ke leye muntakhib hoi hain. Teams ki tafseel kuch is tarah hai.

* Asian Football Confederation (A.F.C)se Australia, Japan, Iran, South Korea.

* Confederation of North, Central American and Caribbean Association(C.O.N.C.A.C.A.F) se Costa Rica Mexico, United State of America.

* Confederation of African Football (C.A.F) se Algeria, Cameroon, Ghana, Nageria, Ivory Coast.

* South American Confederation of Football jise Putagali zaban mein Conmebol (C.O.N.M.E.B.O.L) bhi kehte hain. Is Confederation se Argentina, Brazil, Chile, Colombia, uruguay aur Ecuador.

* Union of European Football Association (U.E.F.A) se Belgium, France, Netherlands, Bosnia - Herzrgovina, Portugal, Greece, Croatia, Germany, Russia, England, Italy, Spain aur Switzerland shamil hain.

* FIFA ne tournament mein sharik teams ke leye lazimi qarar diya hai ke har team 2 June tak 23 khilariyon ki list final kar ke intezamiya ke hawale kar is final list mein 3 goal keepers ka hona bhi zarori hai.

 

Street Child Football World Cup Mohammad Yousuf Hashim Khan

 

 

 

 

 

 

 

 

 

 

 

 

@Copy right 2012-2014 www.urdubiography.com