Welcome to Urdubiography
Home >> Sports >>Intikhab Alam

 

 

Intikhab Alam

Intikhab Alam Photo

Intikhab Alam born on 28th December 1941 in Hoshiarpur. His father was an engineer and found of cricket. He was the part of Maha Raja Patiala’s team. After the separation of India he came to Pakistan and lives in Karachi. Intikhab Alam got his education from Karachi. He was an all rounder, he was a right handed batsman and leg break bowler. He was the part of Pakistan cricket team from 1959 to 1977. He played 47 test matches and 4 ODIs. He captained Pakistani cricket team in 17 matches. He was the coach of Pakistani cricket team in 1992 when Pakistan won the ODI World Cup and in 2009 T20 World Cup. In 1959 when Australian team visited Pakistan in captaincy of Richie Beno he made 9th wicket record partnership with Asif Iqbal of 190 runs. He had made 14331 runs and took 1571 wickets in first class cricket. He was one the luckiest bowler who had taken wicket on his very first ball in test match. He has played an important roll in Pakistan cricket and served Pakistan cricket for 55 years. In this page you will read Pakistan cricketer Intikhab Alam Biography In Urdu.

Intikhab Alam Biography In Urdu

Cricket mein Intikhab Alam ki mukhtalif jehanten hain. Cricketer ki hasiyat se Intikhab Alam ne bowling, batting aur captain mein esa kuch khas zaror kiya hai jo tarikh mein un ka naam zindah rakhne ko kafi hai. Retirement ke bad wo coach aur manager ke tor par quami team ka tawil hissa rahe aur is sare dor mein Pakistan ne bohat si yadgar fatohat hasil kein, jin mein numayan tar 92 ke worldcup mein kamyabi hai. Pakistan cricket board mein unche oddon par faiz rahe, sar e dast director domestic cricket hain. Test cap hasil kar lene par bowler ki khuwahish hoti hai bas jald azjald apna phela wicket hasil kar le. Is tago do mein bazon ko khasa kasht katna parta hai magar baz thori kawish ke bad manzil sar kar lete hain. In 2 sorton se hat kar test cricket tarikh mein 19 qismat ke dhani ese guzre hain jinhon ne apni pheli bowl par hi batsman ko thikane laga diya. Pakistan ki taraf ke ye karnama sirf Intikhab Alam ne hi anjam diya hai.

Intikhab Alam Pakistan ki taraf ke test double karne wale phele cricketer hain yani 200 wickets aur 1000 runs banane wale. 1973 mein Pakistan ne New Zealand ko us ki sarzamen par zer kiya to is tarikhi fatah mein Intikhab Alam ne 11 wickets le kar bunyadi kirdar ada kiya. Catain bhi wo hi the. Batting mein bhi kai bar kare waqat mein team ki ayanat ko aaye. 1976 mein Oval test mein Asif Iqbal ke sath mil kar nawen (9th) wicket ki sharakat mein 190 runs jor kar alami record banaya jo 30 saal qaim raha.

First class cricket mein bhi Intikhab Alam ke cricket ka sitara khub chamka. 1571 wickets, 14331 runs. County cricket mein Intikhab Alam ke johar khub khule. 1971 mein Sire county 13 saal bad county champion bani to us mein Intikhab Alam ki umdah bowling ka bhi dakhal tha. 1970 mein middle sixes ke phel 8 batsmanon ko pavilion ki rah dikhai nawan (9th)bhi un ka shikar ban jata agar Robin Jackman, jihon ne akhiri 2 khilari out kiye, un ki bowl par aasan catch na gira dete. Badazan ye match mein century karne mein kamyab howe, is leye agar wo innings mein 10 wickets hasil kar pate to munfarid record ke malik ban jate. Do bar rest of the eleven ka hissa rahe. Pakistan cricket team ke captain ki hesiyat se un ki khidmat ko nazar andaz nahi kiya ja sakta.Abdul Hafeez Kardar ki retirement ke bad Pakistani cricket mein banjar dor aaya aur 60 ki dihai mein humari karkardagi dawan dol rahi. Is arse mein England ke aik dore mein hum aik sires 4-0 se hare to dosri mein 2-o se. in dosron ke bad Pakistani team ne jo dere kiya in mein Intikhab Alam ki catnaini mein behtareen karkardagi ka muzahirah kiya. 1971 mein Edgbaston test mein jab Pakistan ki jeet yaqeni dekhai de rahi thi, barish England ki madad ko aan pohanchi, Lords test mein jeet ke qareeb aakar naqis batting ke bais jeta match 25 runs se har gaye. Wisdon ne likha ke Pakistan is dore mein haqiqi qowat ke tor par ubhra hai. 1974 ki series mein hum na koi test match hare or na koi first class match. 1948 mein Bradman ki “The Invicibles” team ke bad Pakistan ki pheli team thi jo baghar koi match hare England se wapis palti.

In doron mein team ka hissa rehne wale Imran Khan ka kehna hai ke team par goron ka is qadar nafsiyati dabao hota ke hum jeta howa match har jate. Is leye jab wo captain banne to unhon ne is team ko is khuf se nijat dilai. Is bare mein jab Intikhab Alam se pocha to unhon ne bataya, un dinon doron mein hum ne bari achi karkardagi dekhai. 7 larke England mein county khel rahe the, jis se un ko bohat kuch sekhne ko mila. Us zamane mein county match winner players leti thi. Ye durust hai ke aik do martaba hum jeet ke kafi nazdik aaye, magar har gaye, to is ki wajah khuf aur dabao nahi tha. Humari batting nakam hoi. England ko us ki sar zamen par hara dene ka suheri moqa kho dene ka dukh aaj bhi mehsos karte hain. Australia se 1972-73 ki series mein 2 test matchon mein batting ki nakami ke bais harne ka bhi ranj hai. Intikhab Alam ki Pakistan cricket se mukhtalilf hawalon se wabastagi 55 baras hai. Is mudat mein cricket ke sath job hi acha bura howa is ke bare mein first hand information un ke pass bohat hai, lekin barae naam maslehatan khlte nahi, aur esi baat kam hi batate hain, jis se tarikh ka record durust ho sake. Aur to aur wo apne sath hone wali ziyadatiyon par bhi dil ke phaphole phorte nahi, aur kisi kirdar ka naam bata den ye to namumkinat mein se hai. Pakistan team mein hone wali baghawaton ka zikar karen to baat gol kar jayen ge. Manager ke tor par nakhushgawar waqeyat ke bare mein daryaft karen to bhi tal jate hain. Maslan Imran Khan ne likha ke 1992 ke World cup ke bad khilariyon ne aik tarah se unke khilaf baghawat kar di aur wo samajhne lag eke sari inami raqam Shaukat Khanum Hospital ko ja rahi hai, Shalimar Bagh mein qoumi team Imran Khan ko tanha chor kar ghayab ho gai jis ka unhen bohat ranj howa aur is waqiye ne un ko retirement ke fasle par majbor kiya, warna wo England ka dora bhi kar sakte the. Is sort e haal mein Intikhab Alam Imran Khan ke sath khare rahe. Is qaziye ke bare mein pochen to baat ziyadah aage nahi barhai, bataya to sirf itna ke jo howa wo ghalat howa. Lakron ka ye samajhna ke sara pesa Imaran Khan ke hospital ko jar aha hai ghalat baat thi. Intikhab Alam ki dor e cataini mein baz test matchon mein mumkina kamyabiyan shikast mein tabdil hoti rahen, is ke asbab par baat ho to naqis batting se baat aage nahi barhti, lekin doran e guftogu aik bar wo dil ki baat zaban par laye lekin bare zabt se, is bar bhi kisi ka naam nahi liya. Intikhab Alam ke baqol baz khilari sochte the ke agar mein beron e mulk series jeet gaya to najane kia ban jaon ga. Kaha ja sakta hai ke kuch khilariyon ne hasad ki waja se jan bojh kar kharab kheel pesh kiya.

Intikhab Alam Pakistan ki one day team ke phele captain hain. Un ki zer e qayadat 1974 mein England ke khilaf do one day Pakistan ne khele aur kamyabi hasil ki. England meinkhelne ka wasi tajurba aur all rounder hone ke bawajud phele world cup ke squad mein shamil na the. Pakistan ne sire se practices match khela to unhon ne county team ki taraf se 95 runs bana dale. Is moqe par wahan mojud tamashaiyon ne team se un ke ikhraj par ahtejaj bhi kiya.

Muhammad baradaran se Intikhab Alam ke taluqat mein utar charho aata raha. Hanif Muhammad ka moqif raha hai ke Abdul Hafeez Kardar ne unhein retirement lene par majbor liya. Hanif Muhammad ne akhiri test Intikhab Alam ki qayadat mein khela. Hanif Muhammad ke benul aqwami cricket se alag hone se mutaliq pocha to wo bole “Hanif Muhammad kamal ke batsman the, un ke ghuthne mein problem thi, team mein bhi ahsas yehi tha kea b unhen retire ho jana chaheye. Main nahi samajhta ke Kardar ne un ki retirement ke silsile mein koi zabardasti ki. Mushtaq Muhammad ke sath bhi un ki banti nah thi aur jab wo catptain banne to Intikhab Alam ki team mein shamoliyat par kisi tor par razi nahi the aur is mamle par un ka board se jhagra bhi ho gaya. Pakistan cricket par hal hi mein shaya hone wali Peter O’Brian ki lajawab kitab “Wonder Tiger. A History of Cricket in Pakistan” mein Sadiq Muhammad ka bayan naqal howa hai, jis ke mutabiq West Indies ke khilaf aik match mein captain Intikhab Alam ne unhen ghair zarori tor par short leg par khara kiya aur phir full tos phenk di jis par batsman ne zordar hit lagai aur wo shaded zakhmi ho kar hospital pohach gaye aur marte mate bache. Is waqiye par un ki raye janni chahi to wo bole “ ye baat bilkul ghalat hai, meri niyat mein koi kharabi nahi thi, full tos leg spiner se bhi kabhi kabhar gir jata hai.

Intikhab Alam ne 28 December 1941 ko Hoshiarpur mein ankh kholi. Walid Naseer Udin Khan engineer the. Cricket ka shoq rakhte the. Maha Raja Patiala ki team ka hissa rahe. Taqsem ke bad unhon ne Pakistan hijrat ka fasla kiya aur un ka gharana us darogir mein Pakistan pohancha. Intikhab Alam ne bachpan mein jo qatal o gharat giri dekhi is ki yad aaj bhi larzah deti hai. Intikhab Alam ka kehna hai ke wo Shimla se Pakistan aane wali akhiri train mein sawar ho kar naye watan pohanche. Karachi is khandan ka naya maskan thera. Idhar cricket ke leye ghar ke indar aur barah mawafiq mohol mayasar aaya. Bare bhai Aftab Alam bare umdah cricketer the. Bad qismati se Pakistan team ke leye un ka intikab na ho saka. Intikhab Alam bare bhai ko khud se ziyadah basalahiyat qarar dete hain. Intikhab Alam jin ka dihan medium peser banne ki taraf tha, unhen bhai ne aik din kaha ke tum leg spin bowling par tawajah do, is fan mein s waqat koi taq nahi, ye baat Intikhab Alam ke dil mein ghar kar gai aur unhon ne khud ko leg spin bowling ke waste waqf kar diya. Ghar ke peche turf wicket bana rakhi thi jahan tenon bhai khub cricket khelte the. Church Mission School mein un ki salahiyaton ko aur jila mili jahan kheel ka bara medan tha. Robi Shield Inter school tournament mein bare kante ke muqable hote. 1957- 58 mein West Indies ked ore ke bad Pakistani team Karachi ruki to wahan Intikhab Alam ko combined schools eleven match kheelna tha. Intikhab Alam ko team mein shamil na kiya gaya. Net mein jab unhon ne Pakistani team ko bowlimg karai to Kardar mutasir howe. Team se un ke drop hone ka jan kar heran howe aur unhen Pakistani team mein shamil kar liya to 4 wickets le kar apna intikhab durust sabit kar diya. Karachi ki numaindagi bhi ki. 1959 mein Pakistan eaglets ka hissa ban kar jo karkardagi dekhai is se pheli bar laga ke wo Pakistani team ka hissa ban sakte hain. 1959 mein Richie Beno ki qayadat ki Australian team Pakistan aai, President eleven ki taraf se khelte howe 8 khilari out kiye to us waqat ki karkardagi ki bunyad par Karachi mein hone wale terse test mein quomi team mein shamil kar liya gaya. Dosre din ka kheel khatam hone mein adha ghanta reh gaya to Fazal Mehmood ne over ke leye bulaya. Phela ball kahen short na par jaye is leye ye amoman phela ball tez karte. Captain ne tajwiz kiya ke tez ball nahi karna balke leg break karna. Captain ke kehne par leg break karai jo par ka kafi tez nikli, batsman Colin Mc Donald cut marne ki koshish mein bowled ho gaya. Intikhab Alam ke baqol ye sab ALLAH ki beharbani thi, mujhe samajh nahi aya ke ye kiya ho gaya. Stadium tamashaiyon ki taliyon se gonj utha. Oval tesm mein Asif Iqbal ke sath yadgar partnership ki yad tazah karte howe bataya ke “us test mein meri bayein ankh mein bohat taqlif thi. Is leye mera batting order niche hota gaya lekin aik marhale par kujhe jana hi para, is waqat 65 par 8 khilari out hochuke the, Asif Iqbal se main ne kaha ke main stand don ga, rafta rafta meri ankh ki taqlif kam ho gai. Runs banne lage. Logon ka khayal tha ke hum innings ki shikast se do char hon ge lekin mere aur Asif Iqbal ke darmiyan nawen (9th) wicket ki sharakat mein 190 runs ka almi record abn gaya.

1973 mein Hyderabad mein New Zealand ke khilaf 138 runs aur 7 wicketen lena bhi Intikhab Alam ko nahi bhulta.1977 mein Intikhab Alam ka test carer akhtetam ko pohancha. 47 mein se 17 matchon mein team ki qayadat ke faraiz anjam deye. Pakistan ki team ki coaching to wo saal hasaal karte rahe lekin 2 seasons mein Intikhab Alam ne Bharati Punjab team ki coaching ki. 1971 mein mashriqi Pakistan mein bhuran ke dinon mein Pakistani team udhar phans gai to ese mein Intikhab Alam ne bhag dor kar ke team ki bahifazat maghribi Pakistan wapsi ko mumkin banaya. Pur bani hotel jahan team tehri thi, wahan se airport 15 minute ke fasle par tha lekin unhen wahan pohanchne mein derh ghanta lag gaya. Kehte hain ke wo Hindustan se Pakistan aane wali akhri musafir train ke bhi musafir the aur mashriqi Pakistan se Maghribi Pakistan aane wali akhri flight mein bhi sawar the. Intikhab Alam jo apne zamane mein behtareen leg spanner the, wo leg spin bowling ko cricket mein mushkil tareen art samajhte hain, jis mein maharat ke leye un ke khayal mei bohat ziyadah mashq aur maharat ki zarorat hoti hai. Flipper ko apna umdah hatyar qarar dete hain 1973 mein shadi hoi. 2 bete hain, zindagi se mutmain hai. Mushkil tareen halat mein bhi umeed ka daman thame rakhne ko apni sab se bari qowat gardante hain.

More Links

 

 

 

 

@Copy right 2012-2015 www.urdubiography.com