Welcome to Urdubiography
Home >> Sports >>Mohammad Hafeez  

 

 

Mohammad Hafeez

Mohammad Hafeez captain of Pakistan T20 cricket team. He is all rounder. Hafeez is right hand batsman, off spin blower and a very good fielder. Here we are presenting you the interview of Mohammad Hafeez. Hope you will enjoy the interview.

Mohammad Hafeez Interview

Mohammad Hafeez ne career mein kai utar charhao dekhne ke bad bila akhir 2011 mein apni afadiyat sabit kar di. Unhon ne is saal 2 test, 3 one day centuries aur T20 mein 2 fifties samet 10 muqablon mein man of the match ka ezaz hasil kiya, is ke bad phir peche mor kar nahi dekha. Shandar drives, purfareb off spin bowling aur umdah felding ki badolat Pakistan ki kai fatohat mein aham kirdar ada karne wale all rounder bad qismati se test scoud mein jagah barqarar nahi rakh pai lekin degar donon format mein unhein team ki zarorat samjha jata hai, T20 World cup ke leye bhi un ki qayadat par etemad barqarar rakha gaya hai. Mohammad Hafeez ka khososi interview aap ki nazar hai.

Question: Aap ko dosri bar World T20 mein Pakistan ki qatadat ka moqa mil raha hai, is doran bator captain khud mein kia tabdiliyan mehsos karte hain, event ke leye team ki taiyariyan kesi hain?

Mohammad Hafeez: Guzishta World T20 derh do saal guzar chuke, is doran main ne kai matches mein captani ki, hasil shudah ye tajurba ab mere kaam aaye ga aur players se un ki salahiyaton ke mutabiq kaam lene mein kaamyab rahon ga, events ki taiyariyon mein humein, domestic event kheel kar hi moqa mayasar aaya, nijawan players ne apne ache kheel se selectors ko mutasir kiya, tornament meintaqreban tamam aham sharik howae, ab tram ko Asia Cup kheelne Bangladesh jana hai, mukhtasir taz ke mega event se qabal warmup matches kheel kar humein ridham hasil karne ka moqa mil jaye ga, mujhe umeed hai ke team shaiqeen ko mayous nahi kare gi.

Question: Scoud ke muqable mein aap ki mushwarat shamil rahi?

Mohammad Hafeez: Board ke setup mein tabdili ke sabab selectors se phele to mulaqat ka moqa nahi mil saka tha, albata Rawalpindi Islamabad mein domestic event ke doran unhon ne mushawarat zaror ki thi.

Question: World T20 mein Pakistan ka phela match India se hona hai, mazi mein ICC events ke doran riwayati harif se matches mein team ki karkadagi itni achi nahi rahi, is ki wajah se ab koi dabao to nahi ho ga?

Mohammad Hafeez: Acha ho ya bora har din guzarne ke bad tarikh ka hissa ban jata hai, mazi mein Bharat ke khilaf matches ke kia nataij rahe ab wo ahamiyat nahi rakhein ge, hum medan mein ja kar 100 fisad perform karne ki koshish karen ge, umeed hai ke musbat nataij samne aaye ga, team ka combination acha lag raha hai yaqenan players bhi is match mein jan lara den ge, albata Irfan unfit na hote to humare leye ziyadah acha hota, wo T20 ke behtareen blower hain, un ki team meun mojudgi harifon par khasa asar dalti hai. Wo event mein humara aham hathyar sabit hi sakte the.

Question: "Group of death" qarar pane wale pole mein Pakiatan ke sath Australia aur West Indies bhi mojud hain, is se koi pareshani to mehsos nahi kar rahe?

Mohammad Hafeez: Agar hum apni mukamal salahiyaton ke mutabiq kheele to koi bhi harif samne ho usse qabo kar sakte hain, team event mein sakht muqabalon ke leye taiyar hai, achi soch ke sath medan mein utren ge, in teamon ke khilaf mazi mein bhifatohat hasil kar chuke aur ab bhi esa karne ki koshish karen ge.

Question: World T20 ka Bangladesh mein ineqad ho raha hai, wahan guzishta dinon secorty ke khase masaul rahe, team ko dore mein koi tashwish to nahi ho gi?

Mohammad Hafeez: Bangladeshi secorty intazamat ko ICC ne clear kia hai.Yaqenan us ne har lihaz se apna itminan kiya ho ga, mamle par hukumat e Pakistan ki bhi gehri naza rahi is leye hum mutmain hain, humein secorty se koi khadahat lahaq nahi, hum sirf apni cricket par tawajah dete howae acha kheel pesh karen ge, Bangladeshi condisions mein kheelne ka humein khasa tajurba hai, Dhaka mein condisions bating ke leye sazgar hoti hain, dekhna hi ga ke is bar kesi pitches banai jati hain, wase koi event chahe Asiaye ya kisi aur mulk ki condisions mein ho agar taiyariyan achi hon to nataij bhi wese hi samne aate hain, Pakistan T20 ki bohat achi side hai, basalahiyat players ka intekhab kiya gaya jo yaqenan mukamal salahiyaton ka izhar karen ge.

Question: Moin Khan ne ab Pakistani team ke coach ki zimedari sanbhal li hai, is se qabal wo team ke manager bhi reh chuke hain, un ke sath to ab players ki achi hum aahangi ho chuki ho gi?

Mohammad Hafeez: Moin Kham kai mah se scud ke sath hain, albata ab unhein nai zimedari sonp di gai hai, hum unhein khush aamdid kehte howae umeed karte hain ke wo team mein musbat tabdili laen ge, har coach ke apne mansobe hote hain. Yaqenan Moin Khan ne bhi behtari ke leye kafi kuch socha ho ga, team unhein mukamal support kare gi.

Question: Bator coach David Whitmore ko aap ne kesa paya?

Mohammad Hafeez: David ache coach the, kaamyabiyan aur nakaamiyan to sath sath chalti rehti hain albata team mein behtari ke leye Whitmore ne apne 2 saala dor mein khasi koshishein kein, is doran selection comity se un ke ikhtalafat bhi howae lekin hum ne unhein hamesha support kiya, Whitmore ke sath humara acha waqat guzra aura b hum mustaqbil mein un ki kaamyabiyon ke leye duago hain.

Question: Selectors ne ab team mein specialist wicket keeper shamil kiya hai, yun Umar Akmal dohri zimedari se azad ho gaye. Aap ke khayal mein esa karna durust hai?

Mohammad Hafeez: Umar Akmal chand mah se one day aur T20 mein dohrah kirdar nibha rahe hain, T20 mein duniya ki har team ka wicket keeper top class batsman bhi hai, ese players ka sath mayasar aane se captain ko team mein izafi batsman, blower ya aalrounder shamil karne ka moqa mil jata hai, main selection comity ke kaam mein madakhilat nahi karta, unhon ne is bare mein soch kar team ke mafad mein fasla kiya ho ga.

Question: Is waqat aap kese mulk ka behtareen wicket keeper samajhte hain?
Mohammad Hafeez: Kamran Akmal guzishta kai baras se acha kheel pesh kar rahe hain, badqismati se kabhi bating ya wicket keeping mein masail ke sabab unhein team se drop hona para magar haliya domestic season mein wo acha perform kar ke come back mein kaamyab howae, Adnan Akmal bhi ache player hain, Sarfaraz Ahmed ne test mein umdah perform kiya, Pishawar ke Rizwan bhi basalahiyat hain.

Question: Aap ne hal hi mein Australian domestic T20 event big bash mein bhi mukhtasir waqat tak hissa liya, wo tajurba kesa raha?

Answer: Bohat zabardast, wahan ki cricket mein bohat professionalism hai, coaching aur degar mamlat bhi behtareen hain, mujhe bara afsos hota hai ke humari domestic cricket us mayar tak nahi pohanch saki, ab Najam Sethi bator chairman PCB wapis aaye hain, unhein behtari ke leye iqdamaat karne cheheyein, kam first class matches aur muqabala sakht ho, is se player jab international cricket mein aaye gato us ki taiyari mukamal ho gi. Mushkil first class cricket ho gi to basalahiyat khelari hi is mein hissa le sake ga, baqi players grade 2 aur under 23 muqabalon se salahiyaten nikhar sakte hain, is se domestic cricketers ki performance par kisi ko shak bhi nahi rahe ga. Abhi to koi runs banaye to ye kaha jata hai ke samne falan team ka osat darje ka blowing attack tha is leye kaamyab raha, muqabile se bharpor domestic season mein sharik players ki acha muawza bhi den, jo acha perform na kare usse bahar kar den is se har khilari pae ye dabao rahe ga ke umdah kheel pesh na kiya to bahar ho jaon ga, yun wo sehal pasandi ka shikar nahi ho sakta, director domestic ke pas bhi yaqenan is hawale se mansobe hon ge, unhein un par amal karna chaheye.

Question: Aap domestic cricket mein kin tabdiliyon ki tajawiz den ge?

Mohammad Hafeez: Main chahata hunk e kam magar muqable se bharpor matches hon, is ssal aap dekhein ke regions aur departments ke event aik sath kara deye gaye, ab itne ziyadah top players kahan se aayein ge, ese mein kam salahiyat wale bhi kheel jate hain jo durust nahi, is ki missal main ye don ga ke agar kisi mulk mein MBBS doctors ki kaami hai to aap matric pass ko to doctor nahi bana den ge, usse utna hi parhna aur mehnat karna ho gi jitni degree ke leye darker hoti hai, system mein behtari se hi basalahiyat cricketers samne aayein ge.

Question: Aap test mein one day aur T20 ki tarah kaamyab nahi ho sake, is ki kia wajah hai?

Mohammad Hafeez: Ye aap ki soch hai main kia keh sakta hun, darhaqiqat 2013 ke siwa meri test mein karkardagi achi rahi hai, main teen saal tak teenon formats mein perform karta raha, albata guzishta 5 matches mein ziyadah score na bana is wajah se drop ho gaya, phir one day mein acha perform kar ke test team mein wapis aaya, aik match mein kaamyab na raha to team ki zarorat ke tehat bahar bitha diya gaya, is par mujhe koi shikayat nahi, kisi player ke leye esi sorat e hal challenge hoti hai, aur main bhi sakht mehnat se apna muqam dobarah hasil karon ga.

Question: Bator captain aap ki tarjih kia hoti hai nojawan ya tajurbe kar players?

Mohammad Hafeez: Senior team ki zarorat hote hain, isi ke sath meri koshish hoti hai ke youngsters ko moqa don ta ke wo T20 se one day phir test team mein jagah banayein aur team ke kamm aate rahein, main ne 2 saal mein 12 se 13 nojawanon ko promote kiya, T20 mein Mohammad Irfan, Zulfiqar Babar, Umar Amin, Haris Sohal, Raza Hassan aur Sohab Maqsod ko laya, Nasir Jamsheed aur Ahmed Shehzad ka come back karaya, aaindah bhi ye silsila jari rakhon ga.

Question: Mazi mein aksar bare events se qabal mahir e nafsiyat ke lectures ka ahtemam karta hai, kia World T20 se qabal bhi esa karna chaheye?

Mohammad Hafeez: Cricketers umoman zehani tor par mazbot shakhsiyat ke malik hote hain, isi leye mushkil conditions mein bhi acha kheel peh karte hain, zati tor par mujhe to zarorat nahi lekin agar board samajhta hai ke team ke ese sessions hone chaheyein to main usse bora nahi samjhon ga.
Question: Guzishta arse Deal Stain ne musalsal kai bar aap ko out kiya, is ki kiya wajah samajhte hian?

Mohammad Hafeez: Is mein koi ghair mamoli baat nahi, esa kisi ke sath bhi ho sakta hai, cricket mein kabhi batsman to kabhi blower ka bhari rehta hai. pichle dinon Stain ko kaamyabiyan milein mustaqbil mein mamla ulat ho sakta hai, ye nahi samajhna chaheye ke Stain ka samna karte howae mujhe koi dushwari hoti hai.

Question: Kia ye baat durust hai ke Pakistan ki nimaindagi ke leye ibteda mein haliya big bash ka muhaidah khatam karne par aap ne PCB se zar talafi talb kiya tha?

Mohammad Hafeez: Main ne board se esi oi baat nahi kit hi.
Question: Guzishta dinon IPL ki nilami mein khilariyon ki bhari roqom ke ewaz farokht hoi, kia is ka hissa na ban kar afsos howa?
Mohammad Hafeez: Chun ke hum Indian league ka hissa nahi is leye main ne is nilami mein dilchaspi nahi li.

Question: Pakistani players IPL se bahar hain, is par kesa mehsos karte hain?

Mohammad Hafeez: Meri ray ke mutabiq kheelon ko siyasat se alag rakhna chaheye, Bharti league mein humare siwa pori duniya ke cricketers kheel rahe hote hain, is mein Pakistani khilariyon ko bhi moqa dena chaheye, kai baras se esa ho raha hai, ab board masle ka hal soche, IPL mein muqable se bharpor cricket hoti hai, duniya ke maroof khilariyon ke sath aap ko dressing room share karne ka moqa milta hai, Kolkata Knight Raiders ki janib se hissa leya to Ricky Pointing aur Sorove Gangoli jese seniors ke sath the, un se player sekhta bhi hai, bari tadad mein crowd ki mojudgi kheelna ka lutf barha deti hai, mujhe chance mile to event mein shirkat kar ke khushi mehsos karon ga.

Question: Bator all rounder aap ko blowing ziyadah pasand hai ya bating?

Mohammad Hafeez: Main donon hi se lutf indoz hota hun magar bating ziyadah pasand hai aur is par sakht mehnat karta hun, net par bhi meri koshish hoti hai ke ziyadah tar bating karon, blowing se sotele bete jesa solok karte howae chnad hi balls karta hun, Khuda dad salahiyat mujhe match mein bhi kaam yabi dilati hai, main apne aap ko juz waqati nahi balke kul waqati blower samajhta hun.

Question: Jis tarah Saeed Ajmal Faisalabad mein cricket academy bana rahe hain, aap ka esa koi iradah hai?

Mohammad Hafeez: Main ne esa nahi socha albata Saeed Ajmal ko mujh samet tamam khilariyon ki mukamal support hasil hai, wo aik derh saal se is project par mehnat kar rahe hain aur main un ki kaamyabi ke leye duago hun, meri dili tamana aik faoundation ka qayam hai jis ke tehat ese mustahiq first class cricketers jo 100, 150 matches kheelne ke bawajod mulk ki numaindagi kar rahe hain un ki madad Karen ge, is se unhein guzar basar mein madad ile gi.

Question: Misbah ul Haq se dosti ki wajah se baz oqat aap tanqed ki zad mein bhi aate hain ke captain had se ziyadah support karte hain, is hawale se kia kahein ge?

Mohammad Hafeez: Main aur Misbah 14 baras se aik sath kheel rahe hain, hum mein achi understanding ho chuki hai, isi tarah shahid afridi ke sath kheelte howae bhi 8 se 10 saal tak ho chuke hain lehaza achi dosti hai, Misbah ne meri na main ne Misbah ki kabhi bhi beja himayat ki, hum hameshah merit par fasle karte hain, hum mein kabhi kisi baat par ikhtalaf nahi howa albata mazi mein jab is hawale se baatein ki gaeinto humein aik sath press conference kar ke wazahat deni par, is qism ki baaton ka humare ahal e khana par bora asar hota hai, jese dora South Africa mein aik din main aur Misbah aik sath bethe chai pe rahe the ke meri ahliya ka phone aaya unhon ne mujhe se pohcha ke “kia aap ki Misbah bhai se larai hoi hai” mera nafi mein jawab sun kar unhon ne kaha ke yahan TV channels par is hawale se khabarein chal rahe hain, humein is ka bara afsos howa, Misbah mere bhaiyon jesa hai aur us se dsoti par mujhe fakhar hai.

Question: Aap ko cricket halqon mein professor kaha jata hai, acha lagta hai ya bora?

Mohammad Hafeez: Mujhe Rameez Raja ne ye laqab diya aur TV comentry se shayad ye awam tak pohancha main chunke ahmaqana baatein nahi karta is leye professor kaha jata hai aur mujhe is par bora nahi lagta.

Question: Mulk mein in dinon international cricket nahi ho rahi, home groundpar na kheelna ka afsos to hota io ga?

Mohammad Hafeez: Bihat ziyadah afsos hota hai, hum guzishta kai baras se mushkil halat mein kheel rahe hain, is doran kai masail ka samna karna para, baz tanaziyat se mutasir mulki cricket ka waqar bahal ho chukka hai, ab international cricket bahal ho jaye to awam ko bhi matches se lutf andoz hone ka moqa mile ga. Mulk se bahar kheelne ke sabab saal mein humein kai mah ahal e khana se dor rehna parta hai jo asan nahi hota, is ke bawajod team ne apni karkardagi ka mayar barqarar rakha hai.

Question: Quomi team ki qayadat ka tajurba tahal kesa raha hai?

Mohammad Hafeez: Main is zimedari ko behad enjoy kar raha hun, pori team ki support mujhe hasil hai jab ke management bhi hosla afzai karti hai, isi wajah se ache nataij ache nataij samne aate hain.

Question: Test aur one day mein captaini ke bare mein sochte hain?

Mohammad Hafeez: Main is hawale se nahi sochta, qayadat ki izafi zimedari sonpne ka fasla board karta hai, us ne T20 ka mujhe captain banaya, main 100 sifad commitment se faraiz injam de raha hun, meri koshish hai ke team acha kheel pesh kare sath hi mustaqbil ke leye naya talent bhi farahum karna chahata hun.

Question: Baz oqat feld mein aap captain Misbah ul Haq par hawi ho kar mashware dete hain, is ki kia wajah hai?

Mohammad Hafeez: Bator naib captain ye meri zimedari hoti hai, jab Shahid Afridi captain the to main un se bhi baat cheet karta rehta tha is mein koi qabahat nahi, agar aap ke zehan mein koi achi baat hai to zaror dosre tak pohanchani chaheye.

Question: Baz na qadeen kehte hain ke aap sirf choti teams ke khilaf sazgar conditions mein hi ziyadah runs banate hain?

Mohammad Hafeez: Main kisi ki soch par pabandi nahi laga sakta magar esa bilkul nahi hai, main 2 formats ka number one all rounder aur har conditions mein acha perform karne ka ahal hun, agar aik, do teams ke khilaf record acha nahi to ye ghair mamoli baat nahi, main ne New Zealand aur England mein bari innings kheelein, South Africa mein badqismati se bara score na bana saka magar baz innings mein behtar kheel pesh kiya tha.

More Links

Jahangir Khan Mohammad Yousuf Hashim Khan Roshan Khan

 

 

 

 

@Copy right 2012-2014 www.urdubiography.com