Welcome to Urdubiography
Home > Sports >Nasir Iqbal Squash  

 

 

Nasir Iqbal Squash

Nasir Iqbal born April 1,1994 in Bannu. Nasir Iqbal is one of the few squash players from which Pakistan can accept good performances. He is Pakistan’s only squash player that have won British Open junior under 13 Championship. He is the only one from his family who is representing Pakistan on international level. He also won the title of London Open and Royal Cup. At the end of 2013, his ranking was 48th in the World. His aims are high and he is working hard to be in the top ten players of the World. He thinks that facilities provided for squash in Pakistan is not enough to equal the international level, squash is a very hard game and it wants lots of training, fitness and practice. If some former players open, there academies of squash and train youngsters then no one will stop Pakistani players to get the top position. We are presenting a recent interview with Nasir Iqbal.

Nasir Iqbal Interview

Nasir Iqbal Photo

Nasir Iqbal is waqat Pakistan ke un chand khilariyon mein se aik hain jin se mustaqbil mein achi umeeden wabasta hain. Wo Pakistan squash ki tarikh ke wahid khilari hain jinein British Open junior ki under 13 championship jetne ka ezaz hasil hai. Wo duniya squash mein junior satah ke kai muqabalon ke title apne naam kar chuke hain. 1st April 1994 ko Bannu mein paida hone wale Pakistan number one Nasir Iqbal apne khandan ke wahid fard hain jo benul qawami satah par Pakistan ki numaindagi kar rahe hain. Unhein England mein hone wale London Open aur Malaysia mein hone wale Royal Cup ka title jeetne ka ezaz bhi hasil hai. Duniya e squash mein 2013 ke ikhtetam par un ki World ranking 48 thi, tahum Nasir Iqbal ke azam buland hain aur bohat jald dunya ke top ten khilariyon mein shamil hone ke leye pori mehnat kar rahe hain. Un ki khososi guftugo qaireen ki dilchaspi ke leye pesh e nazar hain.

Question: Aap ne kheel ka aghaz kahan se kiya?

Nasir Iqbal: Main Bannu se squash kheelne wala phela khilari hun, meri walid sahib ne kabhi squash nahi kheeli, balke wo Pakistan sports board mein weight lifting ke coach the. Mera bara bhai bhi sirf shoq pora karne ke leye squash kheelta tha, bas usse dekh kar mera shoq barha aur main is tarah aaga aur teen saal ki practice aur training ke bad main ne British Junior mein shirkat ki aur under 13 championship jeetne mein kaamyab raha. Is tournament mein kaamyabi se mere leye squash kheelne ki rahein khulti gayein, phir bad mein na sirf Pakistan balke beron e mulk mein bhi junior title jeetne mein kaamyab raha hun.

Question: Haliya dinon mein benul aqwam satah par aap ki karkardagi nisbatan behtar rahi hai aage kia tawaqoaat hain?

Nasir Iqbal : koshish yehi hoti hia ke mehnat Karen aura chi karkardagi pesh Karen, har waqat zehan mein yehi baat hoti hai ke jis tarah Jahangir Khan aur Jan Sheer Khan ne Pakistan ka naam roshan kiya hai un ke naqsh e qadam par chalen aur squash mein Pakistan ke khoye howae muqam ko aik martaba phir hasil kar len, is mein shak nahi ke aaj kal squash par bora waqat aaya howa hai, lekin is ki wahaj talent ya practice ki kami nahi hai balke asal masla Pakistani khilariyon ko benul aqawami satah par ziyadah se ziyadah tournaments kheelne ka moqa na milna hai. Allah ka shukar hai ke is ke bawajod main London Open aur us se qabal Malaysia mein hone wale Royal Cup ko jeetne mein kaamyab raha.

Question: Ab tak squash ke kin bare khilariyon se muqabla kar chuke hain?

Nasir Iqbal: Abhi guzishta dinon main ne France mein hone wali World team championship mein shirkat kit hi jahan squash ke almi number aik aur do khilariyon se muqable ache aur kante ke howae the. Khas tor par Girigiri Goltair se bohat close match howae the, main ab tak top 16 ranking ke khilariyon ko shikast de chukka hun, sirf moqa milne ki baat hai agar ye musalsal milte rahe to nataij aur behtar hun ge.



Question: jaded squash mein benul aqawami satah par behtar karkardagi kis umar tak barqara rakhi ja sakti hai?

Nasir Iqbal: Main ye samajhta hunk e aaj kal squash mein power aur tajurbe ki ziyadah zarorat hoti hai, kheel bhi kafi tez ho gaya hai jis ki wajah se squash court mein khilariyon ke kheelne ki umar mein kaami waqeya hoi hai. Aaj ki squash mein benul qawami satah par kam o besh 27, 28 saal tak aap achi karkardagi pesh karne ki position mein hote hain, jab ke aik waqat tha ke jab 35 ya 40 saal tak ke khilari court mein benul qawami squash kheelte nazar aate the, mojudah almi squash champion Nic Mathew ki umar 30 saal ke lag bhag hai, Nic Mathew ne is umar mein championship jeeti hai to is ki wajah sirf aur sirf fitness ke mayar ko almi satah ke mutabiq rakhna hai. meri umar is waqat 20 saal hai aur mere pas abhi kafi waqat hai ke main duniya ke bare bare tournaments mein karkardagi pesh karon aur top position hasil karon.

Question: Aik zamana tha ke squash mein Australian khilari chaye howae the, is ke bad Jahangir aur Jan Sheer ne hukumrani ki, phir Misr ke khilari samne aaye, lekin paistani khilari top 10 ya top 20 mein nazar nai aate?

Nasir Iqbal: Jahan tak Misr ki baat hai to Misr se taluq rakhne wale khilari kafi ache ja rahe hain, Misr mein junior khilariyon ki baqaidah academy qaim hai, jahan hunein har qism ki saholaten hasil hain. Junior muqablon mein Misr ke khilari benul aqwami satah par kafi behtar karkardagi ka muzahirah kar rahe hain, is waqat Misr ke benul aqawami satah ke khilari Karim Darwesh aur Amar Shabana junior khilariyon ko training de rahe hain, unhein khud bhi apni training ke leye waqat chaheye hota hai lekin wahan system esa hai ke wo apni benul aqawami satah ki masrofiyat ke bawajod junior khilariyon ko baqaidah academy ja kar training dete hain, jis ki wajah se junior khilariyon ko kafi kuch sekhne ko milta hai, sath hi un ke etemad mein bhi izafa hota hai, yehi wajah hai ke Misri khilari haliya saalon mein junior aur senior satah par majmoi tor par khasi behtar karkardagi ka muzahirah kar rahe hain. Dosri janib Pakistan mein squash ka koi system nahi hai, yahan khilari khud hi training karte hain aur khud hi benul aqawami satah ke muqablon mein shirkat ki koshishs karte hain, sab kuch khilariyon ko khud hi karna parta hai ya feration support karti hai lekin federation ke zaraye bhi mehdod hain.

Question: Pakistani khilariyon ki bunyadi mushkilat aur masail kia hain?

Nasir Iqbal: Pakistan mein benul aqawami satah par muqable na hone ki wajah se Pakistan ke aksar khilari apni karkardagi ka phele hi izhar nahi kar pate, jab ke funds aur sponsors na milne ki wajah se beron e mulk hone wale tournaments mein shirkat nahi ho pati. Jis ki wajah se benul aqawani satah par ranking behtar hone ke imkanat madom ho jate hain, halan ke humare khilariyon ko tawatur ke sath bare tournaments mein shirkat ke moqe mile to hum top ten khilariyon ko shikast dene kin a sirf salahiyat rakhte hain balke is se qabal humare khilariyon ne mojudah dor ke saf e awal ke khilariyon ko shikast bhi di hai. main apni missal pesh karta hunk e agar beron e mulk hone wale shirkat ke leye mujhe sirf tickets bhi mil jayein to main bohat jald ranking behtar karte howae top ten khilariyon mein aasakta hun.

Question: Jahangir ya Jan Sheer Khan ne agar cha guzishta dor mein kaamyabiyan hasil kein to is ki kia wajah thi aur aaj ked or mein humare khilari bohat peche hain to is ki kia wajah hai?

Nasir Iqbal: Jahangir aur Jan Sheer Khanka dor tough dor tha lekin un ke dor mein sponsorship bohat thi, unhein PIA ki janib se bohat hi saholaten hasil thein, wo beron e mulk taqreban tamam tournaments mein shirkat karte the, England mein baqaidah kai kai mahenon tak league kheelte the, unhein training ki saholatein hasil theinyahi wajah hai ke unhon ne bari bari kamyabiyan hasil kein, lekin itefaq hai ke humare dor mein khilariyon ko wo saholatein aur maraat hasil nahi hain. Aaj ke dor mein khilari beron e mulk ja kar nahi kheel sakte, yahan agar kheelna chahein to yahan international tournaments nahi ho rahe, zahir hai ke jab ranking behtar hone ke mawaqe mehdod hon ge to aap acha kheel kheelne ke bawajod top ranking mein nahi aasakte.

Question: Is silsile mein Pakistan squash faderation ka kia kirdar hai?

Nasir Iqbal: Federation apna kaam zaror kar rahi hai lekin masla ye hai ke khilariyon ki tadad bohat ziyadah hai aur federation aik hi hai, federation ko sponsorship nahi mil rahi, jo idare sponsorship dete hain wo bhi yehi khete hain ke Pakistan mein squash ka mayar sponsorship ke matloba mayar par nahi, yani aap ke pas top 10 ya top 20 khilari nahi hain, jis ki wajah se sponsorship na dena un ki majbori hai, lekin masla ye hi hai ke is ka nuqsan khilariyon ko uthana par raha hai.

Question : Ghar walon ki taraf se beron e mulk hone wale tournaments mein shirkat ke hawale se kitni support hai?

Nasir Iqbal : Is waqat to tamam tar support ghar walon ki taraf se hi hai, won a sirf hum par mehnat kar rahe hain balke har tarah se humara khayal bhi rakhte hain, ye Allah ki meharbani hai ke hum in namasaid halat mein bhi apni ranking behtar banane ki justujo mein lage howae hain, hum ne tournaments bhi jeete hain lekin jab tak hum kam o besh har tournament mein sharik nahi hon ge humara upper aana qadar e mushkil zaror hai, behar hal hum ne himat nahi hari, hum neek niyati ke sath lage howae hain.humein umeed hai ke halat hameshah kharab nahi rahein ge aura cha waqat zaror aaye ga, kyun ke hum bhi kisi se kam nahi hain.

Question : in halat mein hum squash ki taraqi ke hawale se grass rote level par kahan khare hain?

Nasir Iqbal : In halat mein grass rote level par humari squash bohat kam reh gai hai, is ka andazah aap is baat se laga sakte hain ke junior satah par humare sirf 2, 3 hi khilari hain jo junior satah par acha kheel rahe hain, ye tadad Australia, England aur Misr waghairah ke muqable mein na hone ke barabar hai, agar main apne junior khilariyon ke naam lon to un mein Asrar Ahmed, Asim Khan, Ali Bukhari, Taiyab Aslam aur Bilal Zakir hi ese khilari hain jin par agar tawajah di jaye aur un ki sahi tor par training ho to aage ja sakte hain, bazahir mulk mein junior squash khilariyon ka koi mustaqbil nazar nahi aata.

Question : Ese kon se senior khilari hain jin ki ranking behtar hone ke imkanat hain aur wo kam iz kam top 20 mein aasakte hain?

Nasir Iqbal : Senior mein is waqat mere sath Farhan Zaman, Danish Atlas, Sheikh Saqib aur Taiyab Aslam waghairah hain, jo apne tor par mehnat kar rahe hain, lekin baat wohi hai ke in khilariyon ko bhi training aur ziyadah se ziyadah practice ki zarorat hai.

Question : Squash mein aane se taleem kitni mutasir hoi?

Nasir Iqbal : Taleem to bohat ziyadah mutasir hoi hai, is waqat hum full time squash ko de rahe hain, zahir hai ese mein aap aik waqat mein do kaam nahi kar sakte, squash bohat sakht jan kheel hai, is mein ziyadah se ziyadah practice, fitness aur training ki zarorat hai. jahan tak meri taleem ki baat hai to main is waqat Islamia College mein first year ka talib e ilm hun.

Question : Family mein aap ko dekh kar kisi ne squash shuru ki ya bhai waghairah ka rujhan parhai ki taraf hai?

Nasir Iqbal : Hum Masha Allah 7 behan bhai hain, mere bare bhai Tahir Iqbal ne shoqiya squash zaror kheeli thi aur unhein dekh kar main ne squash ko baqaidah apnaya, mere bare bhai mere coach bhi hain. Unhon ne Peshawar University se MBA kiya howa hai aur bhi behan bhai taleem hasil kar rahe hain.

Question : Squash ke khilariyon ke leye mukhtalif idaron mein mulazimat ke mamlat aur halaat ko kis tarah dekhte hain?

Nasir Iqbal : Kisi bhi khilari ke leye us ki karkardagi ko behtar banane mein mulazimat aham kirdar ada karti hai, lekin bad qismati se haliya saalon mein khilariyon ke leye mulazimat ke mawaqe is tarah se samne nahi aaye jis tarah mazi mein the. Main samajhta hunk e khilariyon ko PIA ya mukhtalif banks aur degar idaron mein mulazimat mile to phir squash ka kheel aur tezi se taraqi kare ga.

Question : Pakistan mein squash academy ke qayam ki kitni ahmiyat hai?

Nasir Iqbal : Main apne mulk ke squash ke legend khilariyon ko ye pegham dena chahon ga ke wo squash ki academy kholein, jin mein khas tor par junior khilariyon ki tarbiyat ka intezam ho, kyun ke is waqat humare mulk mein outstanding junior khilariyon ki amad ka silsila ruk chukka hai, ginti ke chand junior khilari hain aur wo mustaqbil ki itni zimedari ka bojh akele nahi utha sakte. Is ke leye zarori hai ke aik khas tariqa e kar ke tehat un ki groming aur training ka intezam ho. Duniya ke aksar mumalik mein academies junior khilariyon ko taiyar kar rahi hain lekin humare han badqismati se esa nahi hai.

Jahangir Khan Mohammad Yousuf Hashim Khan Azam Khan

 

 

 

 

@Copy right 2012-2014 www.urdubiography.com