Welcome to Urdubiography
Home >> Sports >>Wasim Akram

 

 

Wasim Akram

Pakistani Cricket Player Wasim Akram Photo

Wasim Akram is a King of Swing balling. He was a former Pakistani cricketer. Wasim Akram was born on 3rd June 1966 in Lahore. He is 48 years old. Wasim Akram was a very faster and catastrophic bowler of the cricket. He received his education from the Cathedral school Lahore and Islamia College. Wasim Akram received 414 wickets in 104 matches in his test career and in one day matches he received 502 wickets in 356 matches. He played his first test series in 1985. Wasim Akram selected as a man of the match in 17 test matches and 22 one day matches. Now a days he is performing as a commentator in different channels and he is a coach of Kolkata Knight Riders in International Premier League ( IPL ). Wasim Akram married with Huma in 1995. He has two sons, named Taimur and Akbar. But unfortunately his wife died in 2009. In 2011 he met with Australian lady Shaniera Thompson and after two years he married with Shaniera Thompson in 12th August 2013. In this page you can see the biography of Wasim Akram In Hindi and Roman Urdu.

Wasim Akram Biography In Hindi

Khush tabaa, khush zauq aur khush libaas Wasim Akram ne aesa cricket khela hai, jis ki shaiyqeen ko khuwahish thi. Ball poar jadooi giraft se inhe rafter aur swing ko qaboo karne ka hairat angez fun aata hai. Aik he action mein fast speed se wicket ke dono taraf ball karne ka fun swing ke sultan ko duniya ke azeem tareen bowlers ki list mein shamil karta hai. Inho ne apne test career kle 104 matches mein 414 wickets hasil ki hain. Test matches mein in ki behtareen performance 1994 mein Willington mein New Zealand ke khilaaf thi, jab inho ne aik innings mein 139 runs ke badle mein 7 wickets hasil ki thin. Jab ke inho ne 356 one day matches mein kul 502 wickets apne naam ki hain. One day mein in ki behtareen karkardegi 1993 mein Karachi mein Zimbabwe ke khilaaf kit hi. Jab inho ne sirf 15 runs de kar 5 players ko out kiya tha. 1992 ke cricket world cup ke final mein in ki tabahkun bowling aur ghomte hue Yorkers ne aik taraf to mukhalif team ki kamar torh di to dosri taraf inhe cricket ke shaiyqeen mein gher mamoli maqboliyat dila di. Inho ne khud ko mutadid baar Imran Khan ka haqeeqi jaan nasheen sabit kiya aur kae matches mein Pakistan ki numaiydegi ke sath captain ke faraiyz bhi anjaam diye. Tahum 1999 mein paida hone wale match fixing ke tanazey se Wasim Akram ke career par bura asar parha aur in ki shohrat ko nuqsaan pohancha. Lekin is se in ki karkardegi mein koi farq nahi aaya. Inho ne fast bowling mein wo khobsurti paida ki. Jo is se pehle dekhne mein nahi aai thi.

Yaqinan yeh baat koi nahi janta hoga ke 3 June 1966 ko Lahore mein paida hone wala yeh ladka aik din duniya e cricket ka sab se ziyada tabahkun bowler sabit hoga. Wasim Akram ka janam aik mutawasit gharane mein hua. Ibtedai taleem ke liye inhe Lahore ke cathedral school mein dakhil kara diya gaya. Wasim Akram un dino Zaheer Abbas, Asif Iqbal aur Mushtaq Mohammad ko dekha karte the. Inhe bhi cricket se lagao ho gaya aur Wasim 12 baras ki umer mein apne school ki team ke bowling aur bating opener the. 15 saal ki umer mein school ki team ke captain ban gae. In ki pori zindagi cricket khelte he guzri hai. In ki gher mamooli karkardegi ne maqami kalbon ki tawajja hasil kar lit hi. Ludhiana club ki taraf se inho ne Lahore gym khana ke khilaf behtareen karkardegi ka muzahira karte hue Rameez Raja aur Intekhab Aalam samait 4 players ko out kiya, jis par inhe cricket board ke talent camp ke liye muntakhib kar liya gaya. Jab in ki umer 18 baras hui to in ki “ In Swinger Balls ” ki shohrat hone lagi aur inho ne fast baller Khan Mohammad ki tawajja hasil kar li. Jinho ne inhe bowling ke kuch gur sikhae. Aik din practice ke dauran inhe, Jawed Miandad ko bowling karane ka mauqa mila. Javed Miandad Wasim Akram ki bowling dekh kar bohat mutassir hue aur inhe ke zor dene par Wasim Akram ko New Zealand ke khilaaf Patterns Eleven ke 3 roza match ke liye team ke 14 players mein shamil kar liya gaya, jis ke bad 1984 mein inhe New Zealand ke khilaf Faisalabad mein hone wale aik roza international match ke liye team mein muntakhib kiya gaya. Phir inhe New Zealand ke tour ke liye bhi nominate kiya gaya.

Wasim Akram one day cricket mein ziyada khush nazar aate hain, jahan wo duniya ke behtareen all rounder kehlae. In ke shumar un players mein hone laga jo 3 se 4 overs mein match ka rukh tabdeel kar diya karte the. Tahum aisa nahi hai ke wo sirf one day ke he player the, bal ke test cricket mein bhi in ki maqboliyat ka graph tezi se bulandi ko chu gaya tha. Inho ne pehla test 1985 mein khela tha. 1989 – 90 ki series mein Adelaide test mein inho ne Imran Khan ke sath bating karte hue qaumi team ko yaqeeni shikast se bacha liya tha.

1992 ke bad inhe cricket ki duniya ka sab se ziyada tez aur sab se ziyada tabahkun bowler qarar diya jane laga. 1999 ke wolrd cup mein wo qaumi team ko final tak na qabil e shikast le gae, lekin final mein Pakistan ko Australia se shikast hui. Isi final ke bad match fixing ka tanaza khara hua. Is soorat e haal mein khas taur par Wasim Akram ko shaded mushkilaat ka saamna karna parha. Tahum yeh ilzaam sabit na ho saka.

Taqriban 2 dehaaiyon par mushtamil career mein Wasim Akram kar records bhi apne naam kar chuke hain. Jis mein sab se aeham one day matches mein 500 wickets ka sang mail aboor karna hai. Wasim Akram pehle bowler hain jinho ne yeh hadaf hasil kiya hai. Inhe 17 baar test matches mein aur 22 bar one day mein “ Man of the Match ” muntakhib kiya gaya hai. Jab ke inho ne test mein 2 aur one day mein bhi 2 hat ricks ki hain. Wasim Akram apne career ke urooj mein har aik ki tawajja ka markaz the. Aaj kal wo mukhtalif channels par commentary aur IPL mein Kolkata Knight Riders ke coach ke faraiyz anjaam de rahe hain. Wasim Akram ne 1995 mein Huma se shadi kit hi, un se in ke 2 bete hain. Shadi ke 15 baras bad 2009 mein Huma ka inteqal ho gaya tha. Jis ke bad Wasim Akram ka naam bollywood ki actress aur sabqa miss universe Sushmita Sen ke sath liya jane laga, lekin Wasim Akram ne hamesha in afwahon ki tardeed ki. 2011 mein Wasim Akram ki mulaqat Australian khatoon Shaniera Thompson se hui aur 2 baras bad wo Shaniera ke sath shadi ke bandhan mein bandh gae. Wasim Akram pukhta iradon ke malik hain. In ek iradon ki pukhtagi ka andaza is baat se lagaya ja sakta hai ke 30 baras ki umer mein he in ki diabetes ki tashkhees ho gait hi. Is ke bawajood na sirf yeh ke inho ne apne khel ko mutassir nahi hone diya, bal ke wo apni fitness barqarar rakh kar amlan diabetes ko ab tak shikast dete aa rahe hain. Agar yeh kaha jae ke Wasim Akram un logon ke liye hausle ki misaal hain, jo apni bemari ki wajah se mayoos ho jate hain, to ghalat na hoga.

 

More Links

 

 

 

 

@Copy right 2012-2015 www.urdubiography.com