Welcome to Urdubiography
Home >> Sports >>

 

 

Younis Khan

Younis Khan Photo

Younis Khan is a symbol of determination. He was born on 29th November 1977 in Mardaan. Younis Khan is a vice batsman of Pakistani cricket team. He is a very talented and great batsman. Younis Khan married with Amna in 30th March 2007. He has one daughter and one son and now Younis Khan is living in Karachi with his family. He has successful career in cricket. Younis Khan started his cricket on grass route level in district Mardaan from under 19, but in 90 he entered in MCB colts cricket team. He was with Shahid Afridi, M Yousuf, Asim Kamal, Atiq uz Zama’an, Hassan Raza, Farhan Adil and M Zahid in MCB colt’s team. His first club was Malir Gym khana. Younis Khan started his career by one day match in 13th February 2000 against Sri Lanka. In 26th February 2000 he played his first test match against Sri Lanka and succeeds in this match. Younis Khan is a 1st Pakistani and 14th World batsman, who made 31 centuries and scored 9000 runs. He nominated for the ICC test player of the year in 2005. Younis Khan is a only batsman of Pakistan and 12th World batsman, he played centuries against every country. Younis Khan is fond of fishing. In this page you can see the biography of Younus Khan Biography In Urdu.

Younis Khan Biography

Cricket ki duniya mein agar khush mizaaj, eimandar aur aajzi o inkesari marsaa kisi cricketer ko talaash kia jae to zehan ke goshey 29 November 1977 ko Mardaan mein paida hone wale Younis Khan ke naam par be naqab hote hain. Wo cricket ki duniya ke un sitaron mein se aik hain jin mein ghuroor naam ki koi cheez nahi hai. Yaqinan insaan ki kamiyabi ke liye yehi wo key hai, jis se zindagi mein aage barhne ke liye mukhtalif shoabon ke taaley khulte chale jate hain. Lekin Younis Khan ne cricket mein naam paida karne ke liye in khobiyon ke sath sath mehnat, lagan aur jis jazbey ka muzahira kia hai. Us ne inhe in ke hum asron mein mumtaz maqaam par faiz kar dia hai.

Younis Khan ne grass route level par district Mardaan under 19 se cricket team mein aaghaz zaroor kia, lekin 90 ki dehaai ki ibteda mein MCB colts cricket team mein shamil ho kar apni salahiyaton ko jila bakhshne ki ibteda ki. Us waqt in ke sath colts team mein Shahid Afridi, M Yousuf, Asim Kamal, Atiq uz Zama’an, Hassan Raza, Farhan Adil aur M Zahid bhi shamil the. Jinho ne bad mein waqtan fawaqtan Pakistan cricket team ke liye khidmaat anjaam di. Is tarah in ki baqaida tarbiyat ka aaghaz Karachi se hua. Malir gym khana Karachi in ka pehla club tha, jahan Rashid Latif aur Saeed Anwar ne cricket mein qudrati salahiyaton ka durust andaaz laga kar in ki behtareen rehnumai ki. 1998 – 99 mein Younis Khan ne first class cricket mein qadam rakha aur ibtedai 2 domestic season mein in ki behtareen karkardegi ne inhe ben ul aqwami cricket ke door par khara kar dia. Inho ne 13 February 2000 ko Sri Lanka ke khilaaf khele gae one day match se cricket mein apne ben ul aqwami career ka aaghaz kia, jab ke wo 26 February 2000 ko Sri Lanka ke khilaaf he apne pehla test khelne mein kamiyab rahe. Ta dum tehreer wo 38 saal ki umar mein chaaq o chauband aur phurtiley nazar aate hain. In ka fitness level aaj bhi ben ul aqwami meyaar ke mutabiq hai. Wo 31 centuries ke sath banane wale batsman aur test cricket mein 9000 runs score karne wale pehle Pakistani aur duniya ke 14th cricketer ban gae. In kea b tak ke cricket career mein kae nashaib o faraz aae. Tahum wo in ka mardana waar muqabla kar kea age he barhte rahe. Har mushkil, har rukawat aur har takleef in ki kamiyabi ki kunji sabit hoti rahi. September 2014 mein qaumi T – 20 tournament ke dauran national stadium Karachi mein wo us waqt kafi upset dikhai diye, jab inhe Australia ke khilaaf United Arab Emirates mein munaqid hone wali one day ben ul aqwami aur T – 20 series ke liye team mein shamil nahi kia gaya. Is mauqey par inho ne kam o besh test cricket se bhi kinara kasha ka faisla kar lia tha. Tahum bad mein inho ne faisla change kar lia, in ke yeh faisla in ke liye khush bakhti ki alamat sabit hua. Kyun ke inho ne Australia ke khilaf 2 test matches ki series mein 3 centuries ke zariye 156.00 ki osat se 468 runs banae aur man of the series qarar paae. Yun inho ne apni gher mamooli karkardegi se Pakistan cricket board ke faisla saazon ko sharminda kar dia aur wo Pakistani cricket mein Younis Khan ki aehmiyat ko tasleem karne par majboor ho gaey.

2005 mein Younis Khan ko ICC test player of the year ke liye nominated 15 players mein shamil kia gaya. Javed Miandad ke bad wo Pakistan ki janib se tez tareen 4000 test runs banane wale dosre cricketer hain. Yeh sung meel inho ne 87th test mein aboor kia. 2005 mein Younis Khan ne West Indies ke khilaf pehli martaba Pakistani cricket team ki qiyadat ke faraiz anjaam diye. September 2006 mein Inzamam ul Haq ki muattali ke bad inhe ICC champions trophy ke liye Pakistani team ki captainship ki peshkash ki gai, tahum inho ne yeh keh kar maazrat kar li ke wo dummy captain nahi banna chahte. Beharhaal 2009 mein Sri Lanka ka tour mein team ki 2 – 1 se shikast ke bad PCB ke us waqt ke chairman Aijaz Butt ne Younis Khan ko test aur one day yani dono teams ki qiyadat sonp di. Captain ki hesiyat se wo apne pehle he test mein triple century 313 bana kar 3rd Pakistani batsman ban gae. 2009 mein Pakistan cricket team ne Younis Khan ki qeyadat mein T – 20 World cup jeetne ka aezaaz hasil kia, jis ke bad inho ne T – 20 se retirement ka aelaan kar dia.

Us dauran shandar karkardegi aur tanazaat bhi Younis Khan ka peecha karte rahe. Aik martaba wo PCB ke chairman ke sir dard ki wajah se captainship se dastbardar ho gaey, jab ke dosri martaba inho ne match fixing ke ilzaam apr senate ki standing committee ke saamne pesh hone par resignation de dia. 10 March 2010 ko daily telegraph ne aik lesson mein match fixer Mazhar Majeed aur Younis Khan ke talluq ko zahir kia, tahum Younis Khan ki qanooni charajoi ke notice ke news paper ko maazrat karne par majboor kar dia. Wazeh rahe ke in tamam tar mushkilaat aur tanazaat ke bawajood wo har nae din ke sath aage barh rahe hain. United Arab Emirates mein England ke khilaf haliya test match mein wo 13 October ko Javed Miandad ke 8832 runs ke record ko aboor kar ke Pakistan test cricket mein sab se ziyada runs score karne wale batsman ka aezaaz paane mein kamiyab ho gaey. Wo 100 test khelne wale 5th Pakistani hain. Wo deegar 9 test cricket khelne wale har mulk ke khilaaf century banane wale wahid Pakistani aur duniya ke 12th batsman bhi hain. Inhe Pakistan ki janib se mulk se bahar sab se ziyada yani 23 centuries banane wale pehle aur cricket ki duniya ke dosre batsman ka aezaaz hasil hai. Wo test matches mein catches ki century mukammal karne wale wahid Pakistani fielder hain. 1924 – 25 mein Herbart Sutcliff ke karnamey ke bad Younis Khan dosre cricketer hain. Jinho ne Australia ke khilaf musalsal 3 centuries score ki hain. Inho neaik aur sung meel us waqt aboor kia, jab wo Sri Lanka ke khilaaf 6 July 2015 ko teesre test match ki 4th innings mein century score karne ke bad wo kisi bhi test ki 4th innings mein 5th martaba century banane ka karnama bhi anjaam de bethe. 5 double centuries banane ka record bhi Younis Khan ke paas hai. Wo apne cricket career mein Pakistan team ke ilawa Natingham, Rajisthan Royals, South Australia, Peshawar Panther, Abbottabad Falcon aur Habib Bank ki bhi numaiyndegi karte rahe hain.
In tamam tar kamraniyon aur kamiyabiyon ke sath sath wo pane khandaan ke sath pesh aane wale andohnak waqeyaat par dil girafta bhi hain. 2005 se ab tak in ke khandaan ne bohat se sanehaat dekhe hain. 2005 mein in ke walid ka inteqal hua aur inhe Australia se watan wapis aana parha. Usi saal England ke tour ke dauran in ke barhe bhai Shareef Khan Ukraine mein, jab ke December 2006 mein in ke West Indies ke tour ke dauran aik aur barhe bhai Farhan Khan Germany mein car accident mein inteqal kar gaey. May 2011 mein aik aur bhai Shamshad Khan ka bhi Germany mein inteqal ho gaya, jab ke 25 August 2014 ko Younis Khan ke bhatije yani, in ke bhai Saeed Khan ke Farzand Saad Khan Bharat mein Liver ki tabdeeli ke operation ke dauran inteqal kar gaey.

Tahum in pey dar pey waqeyaat ne in ke aesaab ko mazeed mazboot aur mustaqbil ke iradon ko aur ziyada pur azam bana dia hai. Baqaul Younis Khan ke in waqeyaat ne in mein sabar aur bardaasht ko mazeed jila bakhshi hai. Wo apne mukhtalif interviews mein Pakistani team ke sabiq gher mulki kooch Johnny Bob Wilmer ka aihteraam se zikar karne ke sath sabiq first class cricketer Anwar ul Haq ka bhi zikar karte hain. Jin ki aqaabi nazron ne pehli martaba inhe MCB colts cricket team mein shamil kia. Wo fursat ke lamhaat mein cricket ke bajae ( fishing ) yani machli ka shikaar se farhat mehsoos karte hain. Wo 30 March 2007 ko Amna ke sath rishta e azdawaj mein munsalik hue, wo aik bete aur aik beti ke baap bhi hain. Wo in dino apne khandaan ke hamrah Karachi mein rehaiysh pazeer hain aur khush o khurram zindagi guzaar rahe hain.

 

 

More Links

 

 

 

 

@Copy right 2012-2015 www.urdubiography.com